Լվովի հայերը Հայոց ցեղասպանության զոհերի հիշատակին նվիրված միջոցառում կանցկացնեն

ԵՐԵՎԱՆ, 21 ապրիլի. /Նովոստի-Արմենիա/. Լվովի հայկական համայնքը՝ Աստվածածնի Վերափոխման հայկական մայր տաճարի վանահայր Թադևոս Գևորգյանի գլխավորությամբ, 1915 թ.-ին Օսմանյան Թուրքիայում Հայոց ցեղասպանության զոհերի հիշատակին նվիրված մի շարք միջոցառումներ է նախատեսել, հաղորդում է Analitika.at.ua կայքը:

Մասնավորապես՝ ապրիլի 24-ին ժամը 11-ին Հայկական բակում աղոթք կբարձրացվի առ Աստված, ինչպես նաև հայրենակիցների հիշատակին նվիրված հանրահավաք-ռեքվիեմ կանցկացվի:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-