Հեռուստահաղորդավարուհի Անդրեևան վերադարձել է արձակուրդից, սակայն դեռևս եթեր դուրս չի գա

ՌԴ Առաջին ալիքի «Վրեմյա» ծրագրի հաղորդավարուհի Եկատերինա Անդրեևան վերադարձել է երկարատև արձակուրդից, սակայն հեռուստաալիքի մամուլի ծառայությունը դեռևս պատրաստ չէ տեղեկացնել, թե երբ նա դուրս կգա եթեր:

Այժմ ըստ ժամանակացույցի նրա գործընկերոջ՝ Վիտալի Ելիսեևի աշխատանքային շաբաթն է, երեքշաբթի «ՌԻԱ Նովոստիին» տեղեկացրել են ալիքի մամուլի ծառայությունից:

Անդրեևան դադարեց դուրս գալ հեռուստաեթեր հուլիսի  սկզբից: Մինչև օգոստոսի 31-ը նա արձակուրդում էր, սակայն որոշ ԶԼՄ-ներ տեղեկացնում էին, որ հաղորդավարուհին կարող է ընդհանրապես չվերադառնալ եթեր աշխատանքային կանոնադրության մի շարք խախտումների պատճառով: Տեղեկացվում է, որ իբրև թե Անդրեևան հրաժարվել է աշխատել երեք շաբաթ անընդմեջ իր գործընկեր Ելիսեևի փոխարեն, ով պատրաստվում էր արձակուրդ գնալ:

«Եկատերինա Անդրեևայի արձակուրդն ավարտվել է: Եթերում նրա բացակայությունը ծրագրված է», - նշել են Առաջին ալիքի մամուլի ծառայությունից՝ պատասխանելով գործակալության այն հարցին, թե կվերադառնա՞, արդյոք Անդրեևան «Վրեմյա» ծրագիր:

Մամուլի ծառայությունը մանրամասներ չի ներկայացրել հեռուստահաղորդավարուհու եթեր վերադառնալու մասին, սակայն տեղեկացրել է, որ այժմ, ըստ ժամանակացույցի, «Վիտալի Ելիսեևի աշխատանքային շաբաթն է»:-0-