Կնորոգվեն Մոսկվայում գտնվող «Երևան» և «Օրբիտա» կինոթատրոնները
Մոսկվայում գտնվող «Երևան» և «Օրբիտա» կինոթատրոնները կվերածվեն բազմաֆունկցիոնալ համալիրների, երեքշաբթի «ՌԻԱ Նովոստիին» է տեղեկացրել Մոսկվայի քաղաքապետարանի աղբյուրը:
«Հաստատվել են ակտերը, որոնք թույլ են տալիս օգտագործել հողակտորները «Երևան» (Դմիտրովսկոյե խճուղի 82) և «Օրբիտա» (Անդրոպովի պողոտա 27) կինոթատրոնները բազմաֆունկցիոնալ համալիրների վերածելու համար», - ասել է Մոսկվայի քաղաքապետարանի աշխատակիցը:
Մոսկվայի հյուսիսում գտնվող «Երևան» կինոթատրոնը հնատիպ կինոթատրոն է, որը վերջին ժամանակներում չի գործում: Իսկ Մոսկվայի հարավում գտնվող «Օրբիտա» կինոթատրոնն արդեն մեկ անգամ նորոգվել է, ինչից հետո դարձել է ժամանցի համալիր՝ 500 հանդիսատեսի համար նախատեսված ժամանակակից կինոթատրոնով:
«Կինոթատրոնների նորոգման կարգն ու պայմանները կսահմանվեն Մոսկվայի կառավարության նպատակային իրավական ակտերով», - նշել է գործակալության զրուցակիցը:-0-
