416.07
6.39
395.2
+7
Եղանակը Երևանում
Հայ

Ռուսաստանն իր գխավոր տոնն է նշում

11:51
12 Հունիսի 2009

Ռուսաստանն ուրբաթ նշում է իր կարևոր պետական տոներից մեկը՝ Ռուսաստանի օրը։ Հունիսի 12-ին տեղի է ունեցել միանգամից երկու նշանակալի իրադարձություն Ռուսաստանի նորագույն պատմության մեջ, հաղորդում է «ՌԻԱ Նովոստին»։

Այդ օրը 1990թ.-ին դեռևս ԽՍՀՄ-ի ժամանակ Ռուսաստանի խորհրդային դաշնային սոցիալիստական հանրապետության (ՌԽԴՍՀ) ժողովրդական պատգամավորների առաջին համագումարը ընդունեց Ռուսաստանի պետական ինքնիշխանության մասին հռչակագիրը, որի հիմնական գաղափարը կայանում էր նրանում, որ պետական և հասարակական կյանքին վերաբերող հարցեր լուծելիս՝ ՌԽԴՍՀ-ն կարող է կիրառել ողջ իշխանությունը։ Հռչակվեց Ռուսաստանի Սահմանադրության և նրա օրենքների գերակայությունը։

Հռչակագրում նաև հաստատվում էին հավասար իրավական հնարավորություններ բոլոր քաղաքացիների, քաղաքական կուսակցությունների և հասարակական կազմակերպությունների համար, օրենսդիր, գործադիր և դատական իշխանությունների բաշխման սկզբունքը, ինքնավար հանրապետությունների, ՌԽԴՍՀ-ի շրջանների, օկրուգների  իրավունքների զգալի ընդլայնման անհրաժեշտությունը։

Մեկ տարի անց, 1991թ.-ի հունիսի 12-ին, տեղի ունեցան Ռուսաստանի պատմության մեջ առաջին համազգային բաց նախագահական ընտրությունները, որոնց արդյունքում հաղթանակ տարավ Բորիս Ելցինը, ով հավաքել էր ընտրողների ձայների ավելի քան 57 տոկոսը։

ՌՈՒՍԱՍՏԱՆՆ ԻՆՔՆԻՇԽԱՆ ԴԱՐՁԱՎ, ԵՎ ԴԱ ԲԱՐՕՐՈՒԹՅԱՆ ՀԱՆԳԵՑՐԵՑ

Շատ ռուսաստանցիներ կարծում են, որ Ռուսաստանին հաջողվեց հասնել ինքնիշխանության ԽՍՀՄ-ի փլուզումից հետո։ Հասարակական կարծիքի ուսումնասիրման համառուսական կենտրոնի (ՀԿՈՒՀԿ) կողմից նախաձեռնած համառուսական հարցման համաձայն, որն անցկացվել է հունիսի 6-7-ը և որի ընթացքում հարցվել է 1600 մարդ 140 բնակավայրից, հարցվածների հարաբերական մեծամասնությունը (45 տոկոս) վստահ է, որ Ռուսաստանը դարձել է ամբողջովին անկախ պետություն։

Այն մարդկանց թիվը, ովքեր կարծում են, որ երկրին այդպես էլ չի հաջողվել դառնալ ինքնիշխան պետություն կամ այն կորցրել է ինքնիշխանությունը, որն ուներ ԽՍՀՄ-ի օրոք, 2005թ.-ի համեմատ մեկ երրորդով նվազել է՝ 18 և 20 տոկոս՝ համապատասխանաբար մեկ տարի առաջվա 31 և 33 տոկոսի դիմաց։

Մի քանի տարվա ընթացքում ռուսաստանցիների վստահությունը, որ Ռուսաստանում ինքնիշխանությունը բարօրության է հանգեցրել, աճել է՝ 2002 թ.-ի 36 տոկոսից այս տարի հասնելով 56 տոկոսի։

Ավելի պակասում են այն ռուսաստանցիների թիվը, ովքեր կարծում են, որ անկախության ընդունումը բացասաբար է անդրադարձել Ռուսաստանի վրա (2002թ.-ին 25 տոկոս և 2009թ.-ին 16 տոկոս)։

44 տարեկանից ցածր ռուսաստանցիները, որպես օրենք, դրական են գնահատում ինքնիշխանության մասին հռչակագրի ընդունման հետևանքները (59-60 տոկոս)։ Մինչև 60 և բարձր տարիքի յուրաքանչյուր հինգերորդ հարցված կարծում է, որ անկախությունը երկրին օգուտ չի բերել (19 տոկոս)։

ՆՈՐԱՑՎԱԾ ՍԱՀՄԱՆԱԴՐՈՒԹՅՈՒՆ, դրոշ մեքենայի վրա

Ռուսական պետականության ամրապնդման գործում կարևոր դեր կատարեցին պետության նոր անվանման՝ Ռուսաստանի Դաշնություն (Ռուսաստան), ՌԴ նոր Սահմանադրության, օրհներգի, զինանշանի, ինչպես նաև պետական դրոշի ընդունումը։

Այս տարի Ռուսաստանը տոնում է տոնը նորացված Սահմանադրությամբ։ 1993թ.-ին Մայր օրենքի ընդունումից հետո առաջին անգամ նախորդ տարվա դեկտեմբերին օրենքում կատարվեցին փոփոխություններ։ Սահմանադրության մեջ փոփոխություններ կատարելու առաջարկությունը, որոնք ավելացնում են նախագահի և խորհրդարանի լիազորությունների ժամկետը, Մեդվեդևը հնչեցրել է Դաշնային Խորհրդին ուղղված իր առաջին ուղերձում։ Սահմանադրական օրինագծերին աջակցեցին նաև Պետական դուման և Դաշնային խորհուրդը։ Դեկտեմբերի 18-ին Ռուսաստանի բոլոր 83 սուբյեկտների ժողովները հավանության արժանացրեցին Սահմանադրության մեջ կատարված փոփոխությունները։ Այնուհետև դրանք ստորագրվեցին նախագահի կողմից և ուժի մեջ մտան։

ՌՈՒՍԱՍՏԱՆԻ ՕՐԸ ՄՈՍԿՎԱՅՈՒՄ

Մոսկվան Ռուսաստանի օրը կնշի համերգով և մանկական փառատոնի անցկացմամբ։ Կարմիր Հրապարակում տեղի կունենա համերգ, որը կունկնդրի ավելի քան 25 հազար երիտասարդ։

Ինչպես «ՌԻԱ Նովոստիին» է տեղեկացրել Մոսկվայի քաղաքապետարանի աղբյուրը, Ռուսաստանի օրվա կապակցությամբ Մոսկվայում գլխավոր միջոցառումներից մեկը կլինի նաև «Համբերատարության թիմ» փառատոնը, որի նպատակն է համբերատարության սերմանումը երիտասարդ սերնդի շրջանում, գեղագիտական սկզբունքների ցուցադրումը, որոնք միավորում են մարդկանց՝ անկախ ազգությունից և հավատից։

«ԱՌԱՋԻՆ ԱԼԻՔԸ» 12-ԻՆ ԿՑՈՒՑԱԴՐԻ «12»-Ը

Հեռուստաալիքները որոշեցին նշել Ռուսաստանի օրը տոնական համերգներով և հայրենական ֆիլմերով։

«Առաջին ալիքը» հունիսի 12-ին կցուցադրի «Բարձրունք», «Անապատի սպիտակ արևը», «12» ֆիլմերը, «Ազատագրում. Հրե աղեղ» մարտաֆիլմը, «Իշխան Վլադիմիր» անիմացիոն ֆիլմը, ինչպես նաև Լյուդմիլա Զիկինայի հոբելյանական երեկոն։

«Ռոսիա» հեռուստաալիքն այդ օրը շեշտը դրել է երաժշտական համերգների վրա։ Կեսօրին ալիքը կցուցադրի «Տարվա երգը», իսկ երեկոյան ուղիղ եթերով կցուցադրի Կարմիր հրապարակում անցկացվող «Երիտասարդ Ռուսաստան» տոնական համերգը։

12 ԻՆՔՆԱԹԻՌ ԼԱՎ ԵՂԱՆԱԿԻ ՀԱՄԱՐ

Ռուսաստանի ռազմաօդային ուժերը (ՌԴ ՌՕՈՒ) պատրաստ են հունիսի 12-ին Մոսկվայում եղանակի վատթարացման դեպքում ապահովել բարենպաստ եղանակային պայմաններ, հինգշաբթի «ՌԻԱ Նովոստիին» է տեղեկացրել ՌԴ ՌՕՈՒ գլխավոր հրամանատարի օգնական, փոխգնդապետ Վլադիմիր Դրիկը։

Դրիկի խոսքերով, կհատկացվի ՌՕՈւ շուրջ 12 ինքնաթիռ, որոնց անձնակամզը պատրաստվում է թռիչքներ կազմակերպել Մոսկվայում եղանակային պայմանների բարելավման համար։ Այդ աշխատանքների ընդհանուր ղեկավարումը վստահված է Վ.Պ. Չկալովի անվան փորձաթռիչքային պետական կենտրոնի պետի ժամանակավոր պաշտոնակատար, ՌԴ հերոս, առաջին կարգի փորձարկող-օդաչու, գնդապետ Սերգեյ Մասլովին։

«Ինքնաթիռների անձնակազմները հունիսի 12-ին արդեն առավոտյան պատրաստ կլինեն կատարել իրենց առջև դրված խնդիրները։ Եղանակային պայմանների վատթարացման դեպքում օդաչուները կսկսեն իրականացնել ծրագրված միջոցառումները՝ Մոսկվայի բնակիչներին և մայրաքաղաքի հյուրերին լավ եղանակ և տոնական տրամադրությու ապահովելու համար», - ասել է գլխավոր հրամանատարի օգնականը։-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:28
03 Դեկտեմբերի 2022
Ուշադրություն. Երևանի մետրոպոլիտենը չի գործի առաջիկա երկու օրն աշխատանքային ժամերին (ՎԻԴԵՈ)
Ուշադրություն. Երևանի մետրոպոլիտենը չի գործի առաջիկա երկու օրն աշխատանքային ժամերին. ՎԻԴԵՈ
18:02
02 Դեկտեմբերի 2022
Երևանի կենտրոնում փողոցներ են փակվելու, արգելվելու է մեքենաների կայանումը ՄՀՀ-ի մոտ
Երևանի կենտրոնում փողոցներ են փակվելու, արգելվելու է մեքենաների կայանումը ՄՀՀ-ի մոտ
17:32
02 Դեկտեմբերի 2022
Ամերիաբանկը ճանաչվել է 2022 թ. տարվա բանկը Հայաստանում The Banker ամսագրի կողմից
Ամերիաբանկն արժանացել է Հայաստանի 2022թ. «Տարվա բանկ» մրցանակին Financial Times (FT) ընկերության համաշխարհային առաջատար ֆինանսական լրատվամիջոցի` The Banker ամսագրի կողմից
16:37
02 Դեկտեմբերի 2022
Հայաստանում վտանգավոր սննդամթերքի թողարկում է կասեցվել (ՖՈՏՈ)
Հայաստանում վտանգավոր սննդամթերքի թողարկում է կասեցվել (ՖՈՏՈ)
16:23
02 Դեկտեմբերի 2022
ՊՆ հրամանատարը շուրջ 1 տարի յուրացրել է զորամասին հատկացված շուրջ 2մլն դրամի բենզինի կտրոնները
ՊՆ հրամանատարը շուրջ 1 տարի յուրացրել է զորամասին հատկացված շուրջ 2մլն դրամի բենզինի կտրոնները
12:47
02 Դեկտեմբերի 2022
Քրեական վարույթ է նախաձեռնվել Կոտայքում ինքնաթիռի վթարի դեպքի առթիվ
Նախօրեին ինքնաթիռի վթարի դեպքի առթիվ քրեական վարույթ է նախաձեռնվել
20:17
01 Դեկտեմբերի 2022
Ֆասթ Բանկը թվային բանկինգի վերափոխման ակտիվ փուլում է (ՎԻԴԵՈ)
ՀՀ բանկային համակարգում էական փոփոխություն է գրանցվել․ արդեն գործող 17 բանկերին է միացել Ֆասթ Բանկը. ՎԻԴԵՈ
19:43
01 Դեկտեմբերի 2022
Լայնածավալ պատերազմական գործողությունների վտանգը միշտ կա. Պապիկյան
Պաշտպանության նախարարը խոսել է լայնածավալ պատերազմական գործողությունների վտանգի մասին
12:56
01 Դեկտեմբերի 2022
Տեղական տուրքը կկազմի ոչ թե 500 հազար դրամ, այլ 5 մլն դրամ. Շինթույլտվություն ստանալու կամ այն երկարաձգելու տուրքը մի քանի անգամ կբարձրանա
Տեղական տուրքը կկազմի ոչ թե 500 հազար դրամ, այլ 5 մլն դրամ. Շինթույլտվություն ստանալու կամ այն երկարաձգելու տուրքը մի քանի անգամ կբարձրանա
12:01
01 Դեկտեմբերի 2022
Հայաստանում կան փակ ճանապարհներ. որոշ վայրերում մառախուղ է
Հայաստանում կան փակ ճանապարհներ. որոշ վայրերում մառախուղ է
11:35
01 Դեկտեմբերի 2022
Արդշինբանկն անցկացնում է ակցիա 10000 դրամ դրամական փոխանցում կատարող յուրաքանչյուր 300-րդ հաճախորդի համար
Դեկտեմբերի 1-ից 30-ը Արդշինբանկն իրականացնում է ակցիա արագ դրամական փոխանցումների համակարգերից օգտվող հաճախորդների համար