ՌԴ ԶՈՒ Գլխավոր շտաբի պետը կղեկավարի Հյուսիսային Կովկասում կայանալիք զորավարժությունները

ՌԴ Զինված ուժերի Գլխավոր շտաբի պետ, բանակի գեներալ Նիկոյալ Մակարովը կղեկավարի «Կովկաս-2009» զորավարժությունները, որոնք կանցկացվեն հունիսի 29-ից հուլիսի 6-ը Հյուսիսային Կովկասում, հինգշաբթի «ՌԻԱ Նովոստիին» տեղեկացրել է ՌԴ պաշտպանության նախարարության մամուլի ծառայության և տեղեկատվության վարչության պետ Ալեքսանդր Դրոբիշևսկին։

«Զորավարժություններին, ընդհանուր առմամբ, կմասնակցի շուրջ 8,5 հազ. մարդ, կներգրավվի շուրջ 200 տանկ, 450 զրահապատ մեքենա և տարբեր նշանակության մինչև 250 հրետանային զենք», - ասել է նա։

Դրոբիշևսկին ավելացրել է, որ Հյուսիսկովկասյան ռազմական օկրուգում անցկացվող «Կովկաս-2009» օպերատիվ-մարտավարական զորավարժությունները բաղկացած կլինեն մարտավարական մասշտաբի մի շարք զորավարժություններից, որոնցից յուրաքնաչյուրին կմասնակցի 2 հազարից ոչ ավելի մարդ և կներգրավվի մինչև 80 տանկ, 100 զրահապատ մեքենա և 100 հրետանային զենք։-0-