Ռուսաստանը հակազդելու է ԱՊՀ-ն պառակտելու փորձերին. Լավրով

Ռուսաստանը հակազդելու է ԱՊՀ-ն պառակտելու և միության երկրների շրջանում ռազմաքաղաքական դիմադրության սահմաններ անցկացնելու փորձերին, ռուս և օտարերկրյա լրագրողների համար կազմակերպված ամփոփիչ մամուլի ասուլիսի ժամանակ հայտարարել է ՌԴ ԱԳ նախարար Սերգեյ Լավրովը։

«Այս տարածքում համագործակցության զարգացումը ձգձգում են պահպանվող հակամարտությունները, մենք պետք է գործադրենք բոլոր ջանքերը՝ դրանք խաղարարար և բանակցային մեխանիզմներին համապատասխան կարգավորելու համար, և սրանք ԱՊՀ տարածքը պառակտելու և այստեղ ռազմաքաղաքական դիմադրության սահմաններ անցկացնելու նշմարվող փորձերն են», - ասել է նախարարը, հաղորդում է «ՌԻԱ Նովոստին»։

Նա ավելացրել է, որ այն (նման մոտեցումը) «ցավալի» փաստ է, չի կարելի ԱՊՀ երկրները դարձնել որևէ մարդկանց աշխարհաքաղաքական նախագծերի գերիներ։ Լավրովը կարծում է, որ «անընդունելի է նրանց արհեստական ընտրության առջև կանգնեցնելը՝ կամ մեզ հետ եք, կամ մեզ դեմ»։

«Ռուսաստանը հակազդելու է նման միտումներին, պահանջելու է, որպեսզի Միության մեր գործընկերների օրինական շահերը հարգեն բոլորը և որպեսզի նրանց վերաբերվեն ինչպես միջազգային հանրության լիիրավ անդամների», - եզրափակել է Լավրովը։-0-