ԱՊՀ երկրների սահմանապահ ծառայությունները կստեղծեն աշխատանքային խումբ՝ համատեղ գործողությունների համակարգման համար
Ուկրաինային մայրաքաղաքում տեղի ունեցած ԱՊՀ մասնակից-երկրների Սահմանապահ զորքերի հրամանատարների խորհրդի (ՍԶՀԽ) 59-րդ նիստի ժամանակ որոշում է ընդունվել ստեղծել աշխատանքային խումբ։
«Խմբի հիմնական խնդիրն է ԱՊՀ մասնակից-պետությունների արտաքին սահմանների վստահելի պաշտպանությանն ուղղված սահմանապահների համատեղ միջոցառումների մշակումը։ Դրանց թվում ես կառանձնացնեի գլխավորը՝ անդրսահմանային հանցագործությանը հակազդումը, որն իր հսկողության տակ է վերցրել թմրանյութերի, զենքի ապօրինի շրջանառությունը, ապօրինի միգրացիան, մարդկանց առևտուրը», - ուրբաթ «ՌԻԱ Նովոստիին» տված հարցազրույցում նշել է ՍԶՀԽ նախագահ, Ռուսաստանի Անվտանգության դաշնային ծառայության (ԱԴԾ) սահմանապահ ծառայության ղեկավար-տնօրենի առաջին տեղակալ Վլադիմիր Պրոնիչևը։
Նրա խոսքերով, այդ որոշումն ընդունվել է հանցագործության դեմ պայքարի համատեղ միջոցների 2008-2010 թթ. միջպետական ծրագրի, թրմանյութերի ապօրինի շրջանառության, ահաբեկչության և ծայրահեղականության դեմ պայքարի ԱՊՀ մասնակից-պետությունների համագործակցության՝ մինչև 2010 թ.-ը նախատեսված ծրագրի իրականացման շրջանակներում։-0-
