WWF-ը հայտարարել է սպիտակ արջերի պաշտպանությանը նվիրված մանկական նկարների մրցույթ

Վայրի բնության համաշխարհային հիմնադրամի (WWF) «Արջերի պարեկ» նախագիծը և Շվեդիայի WWF-ն հայտարարել են «Ումկայի աշխարհը» մանկական նկարների մրցույթ, «ՌԻԱ Նովոստիին» է հաղորդել ՌԴ Բնապահպանության նախարարության ներկայացուցիչը։

«Մրցույթին կարող են մասնակցել մինչև 15 տարեկան երեխաները։ Մրցութային աշխատանքի գլխավոր հերոսը պետք է լինի Ումկա անունով սպիտակ արջը։ Երեխաները կարող են նաև նկարել այն ամենն, ինչը շրջապատում է արջին՝ ծով, սառույցներ, կետեր, ծովափղեր, փոկեր», - նշել է գործակալության զրուցակիցը։

Նա պարզաբանել է, որ ժյուրին կորոշի 20 հաղթողներին, որոնք կստանան «Արջերի պարեկից» հատուկ դիպլոմներ և հուշանվերներ։

«Ամենահետաքրքիր նկարները կներկայացվեն «Արջերի պարեկ» նախագծի կայքում, իսկ դրանցից լավագույնները կտպագրվեն WWF-ի «РANDA» մանկական ամսագրում և 2009 թ. հատուկ օրացույցում», - տեղեկացրել է նախարարության ներկայացուցիչը։-0-