Մոսկվայի ներքաղաքային Յակիմենկա միավորի ինքնակառավարման խորհրդի պատգամավոր Արամ Մանուկյանը Ինքնակառավարման խորհրդի հերթական ընտրությունների ժամանակ վերընտրվել է նոր ժամկետով։ Ինքնակառավարման խորհրդի նոր գումարման հենց առաջին նիստում Արամ (Լյովա) Մանուկյանը միաձայն ընտրվել է խորհրդի նախագահ։
Ինչպես տեղեկացրեցին Ռուսաստանի հայերի «Երկրամաս» թերթի խմբագրությունից, Արամ Մանուկյանը հայտնի ձեռնարկատեր է, մեկենաս և հասարակական գործիչ։ Նա պարգևատրվել է Ռուսաստանի բարձրագույն հասարակական պարգևով՝ «Կատարված աշխատանքների համար՝ ի բարօրություն Հայրենիքի», Սրբ. Ալեքսանրդ Նևսկու շքանշանով, «Ռուսաստանի Մեկենաս» և «Պետրոս Մեծի» շքանշաններով, «Մոսկվայի 850-ամյակի» մեդալով՝ Յակիմենկա շրջանի սոցիալական օբյեկտների կառուցման համար, Ռուսաստանի ռազմական և հասարակական կազմակերպությունների բազմաթիվ պատվոգրերով։
Արամ Մանուկյանը նաև ակտիվ մասնակցում է Մոսկվայի հայկական սփյուռքի կյանքում։ Մասնավորապես, նա նպաստում է կրթական և երիտասարդական բազմաթիվ ծրագրերի զարգացմանը։-0-
