ԵԽԽՎ բյուրոն զեկույց է պատրաստում Վրաստանի նախկին վարչապետի մահվան հանգամանաքների վերաբերյալ
ԵՐԵՎԱՆ, 25 հունվարի./Նովոստի-Արմենիա/. ԵԽԽՎ-ի «Եվրոպական դեմոկրատներ» քաղաքական խումբը առաջարկել է Վեհաժողովի գրասենյակին զեկույց պատրաստել 2005թ. տեղի ունեցած Վրաստանի նախկին վարչապետ Զուրաբ Ժվանիայի մահվան հանգամանքների մասին, հաղորդում է ԵԽԽՎ աշխատակազմում գտնվող «ՌԻԱ Նովոստիի» աղբյուրը։
2005թ. փետրվարին Թբիլիսիում, իր ընկերոջ բնակարանում Վրաստանի նախկին վարչապետին գտել էին մահացած։ Պաշտոնական վարկածով մահվան պատճառ է դարձել դժբախտ պատահարը՝ գազից թունավորում։
Ինչպես պատմեց գործակալության զրուցակիցը «զեկույցը պատրաստելու հավանության տակ ստորագրել են ավելի քան տասը եվրոխորհրդարանականներ՝ Մեծ Բրիտանիայից, Սլովակիայից, Իսլանդիայից, Դանիայից, Ռուսաստանից և Շվեյցարիայից»։
Նա պարզաբանեց, որ «զեկույցը պատարստելու համար հիմք է ծառայել Իրակլի Օկրուաշվիլու հայտարարությունը՝ այդ հանգամանքների կասկածելի լինելու մասին»։
Վեհաժողով ներկայացված փաստաթղթի ետքստում ասվում է, որ «մեզ անհանգստացնում են Վրաստանի պաշտպանության նախկին նախարարի և ներկայիս ընդդիմադիր Միխայիլ Օկրուաշվիլու հնչեցրած մեղադրանքները, որը հայտարարել էր, որ Զուրաբ Ժվանիան մահացել էր ոչ թե այն բնակարանում, որտեղ նրան գտել էին, այլ ավելի շուտ, որից հետո նրա մարմինը տեղափոխել էին բոլորին հայտնի հասցեով...Մենք նաև ուշադրություն ենք դարձնում այն փաստին, որ Օկրուաշվիլին ձերբակալվել է կոռուպցիայի մեղադրանքով»։
Պարոն Օկրուաշվիլու հնչեցրած մեղադրանքների լրջությունը հաշվի առնելով, մենք Եվրոպայի խորհրդի խորհրդարանական վեհաժողովին կոչ ենք անում զեկույց պատրաստել Զուրաբ Ժվանիայի մահվան հանգամանքների և Իրակլի Օկրուաշվիլու ներկայացրած մեղադրանքների վերաբերյալ»,- ամփոփվում է երաշխավորագրում։ Ուրբաթ ԵԽԽՎ քարտուղարությանը հանձնված երաշխավորագիրը քննարկվելու է Վեհաժողովի գրասենյակի ս.թ. փետրվարի նիստին։
«Եվրոպական դեմոկրատներ» խմբի առաջնորդ Միխայիլ Մարգելովը, որը նույնպես ստորագրել է երաշխավորագրի տակ, հայտարարեց «ՌԻԱ Նովոստիին», որ «այն որևէ քաղաքական դրդապատճառներ չի հետապնդում»։
«Խոսքը գնում է Վեհաժողովի անդամների միանգամայն հասկանալի հետաքրքրության մասին, որոնք անտարբեր չեն իրենց նախկին գործընկերոջ ճակատագրի նկատմամբ։ Առավել ևս, որ նրանցից շատերի հետ Զուրաբ Ժվանիան կապված էր բարի ընկերական հարաբերություններով»,- եզրափակեց նա։--0—
