ԵՐԵՎԱՆ, 21 հունվարի./Նովոստի-Արմենիա/. Ռեժիսոր և հեռուստահաղորդավար Տիգրան Քյոսայանը, որին երեքշաբթի՝ հունվարի 15-ին, Ա. Ն. Բակուլևի անվան սրտանոթային վիրաբուժության գիտական կենտրոնում վիրահատել էին, երկուշաբթի արդեն սկսել է «Երեկոն Տիգրան Քյոսայանի հետ» հաղորդաշարի նկարահանումները, հեռուստաալիքի մամուլի ծառայությունից հայտնել են «ՌԻԱ-Նովոստի» գործակալությանը։
Քյոսայանը հիվանդանոցից դուրս էր գրվել ուրբաթ և հանգստյան օրերը տանն է անցկացրել, իսկ երկուշաբթի արդեն սկսել է աշխատել։
"Тема очередной программы - "Мужские страхи", - сообщили в пресс-службе.
«Հերթական հաղորդման թեման է «Արական վախերը»,- հայտնել են մամուլի ծառայությունից։ «40 տարեկանը տղամարդու համար ամենավտանգավոր տարիքն է։ Դա վիճակագրություն է։ Այն բանում, որ վիճակագրությունը չի ստում, համոզվել եմ սեփական փորձով՝ հայտնվելով հիվանդանոցի մահճակալին՝ նախաինֆարկտային վիճակում։ Ինչու՞ չենք գնում բժշկի, երբ օրգանիզմն առաջին ազդանշաններն է ուղարկում։ Ամաչում ենք թու՞յլ թվալ։ Ինչի՞ց ենք վախենում մենք՝ տղամարդիկ։ Իմ հյուրերն են բժշկագիտության պրոֆեսոր Յուրի Բուզիաշվիլին և դերասան Ալեքսեյ Սերեբրյակովը»,-«ՌԵՆ-ՏՎ»-ի մամուլի ծառայությանը փոխանցել է Տիգրան Քյոսայանը։
Հաղորդումը հեռուստաալիքով եթեր կհեռարձակվի արդեն երկուշաբթի՝ 23։00-ին։-0-
