Բուրջանաձեն խոստանում է թույլ չտալ Վրաստանում պետական հեղաշրջում

ԵՐԵՎԱՆ, 24 դեկտեմբերի./Նովոստի-Արմենիա/.Վրաստաի իշխանությունները որևէ  մեկին թույլ չեն տա օգտագործել ժողովրդին՝ իրենց քաղաքական նպատակներին հասնելու համար, հայտարարել է Վրաստանի նախագահի պաշտոնակատար Նինո Բուրջանաձեն՝ Արկադի (Բադրի) Պատարկացիշվիլու շտաբի կողմից 2008թ. հունվարի 6-ին մասսայական անկարգություններ նախապատրաստելու վերաբերյալ նյութերի հրապարակման կապակցությամբ։

Վրաստանի գլխավոր դատախազությունը հրապարակել է նախագահի թեկնածու Պատարկացիշվիլու ընտրական շտաբի կողմից 2008թ. հունվարի 6-ին՝ արտահերթ ընտրությունների երկրորդ օրը, մասսայական անկարգությունների պատրաստման վերաբերյալ նյութերը։

«Միանշանակորեն հայտարարում եմ, որ Վրաստանի ղեկավարությունը թույլ չի տա, որպեսզի վրացի ժողովրդից խլեն ընտրության իրավունքը։ Վրաստանում այսուհետև ոչ ոք թույլ չի տա օգտագործել վրացի ժողովրդին որպես ֆոն՝ վրացական պետության դեմ ուղղված իրենց նպատակներին հասնելու համար։ Ցանկացած քաղաքական ուժ, որը կփորձի անել դա, կպատժվի օրենքի ողջ խստությամբ»,-ասել է Բուրջանաձեն։

Նրա խոսքերով, վերջին օրերին Վրաստանում առանձին քաղաքական ուժեր շատ են խոսել այն մասին, որ ընտրությունները կեղծվելու են։

«Ես բոլոր քաղաքական ուժերին և քաղաքացիներին կոչ եմ անում՝ անել ամեն ինչ՝  թույլ չտալու համար սովորական մարդկանց օգտագործել անկարգությունների և, հնարավոր է, արյունահեղության համար։ Ոչ մեկին խորհուրդ չեմ տալիս գործել կանոնների դեմ, այլապես կձեռնարկվեն պատասխան քայլեր»,-ընգծել է Բուրջանաձեն։

Նա հայտնել է, որ մտադիր է նպաստել պետության դեմ դավադրության և անկարգությունների նախապատրաստման փաստի օբյեկտիվ հետաքննությանը։

Բուրջանաձեն ընգծել է, որ «բարձր մասնագիտական հետաքննության» նյութերը կհրապարակվեն, և միջազգային հանրությունը տեղեկացված կլինի դրանց մասին։

«Վրաստանի ղեկավարությունը կանի ամեն բան՝ առանց կեղծումների ժողովրդավարական ընտրություններ անցկացնելու համար և դրա երաշխավորը  պետությունն է, ժողովրդի կամքը և միջազգային դիտորդների մեծ թիվը»,-ասել է Բուրջանաձեն։

Վրաստանի արտահերթ նախագահական ընտրությունները կանցկացվեն 2008թ. հունվարի 5-ին։--0--