Ռուսաստանի նախագահը Պետդումայի ընտրությունների արդյունքները համարում է որպես վստահության նշան՝ իր նկատմամբ

ԵՐԵՎԱՆ, 3 դեկտեմբերի./Նովոստի-Արմենիա/. Ռուսաստանի նախագահ Վլադիմիր Պուտինը Պետդումայի ընտրությունների արդյունքները համարում է որպես վստահության նշան՝ իր նկատմամբ

«Ուզում եմ երախտագիտությունս հայտնել ՌԴ քաղաքացիներին, բոլոր ընտրողներին՝ բարձր ակտիվության համար։ Հատուկ շնորհակալական խոսքեր եմ ցանակնում ասել նրանց, ովքեր քվեարկել են «Յեդինայա Ռոսիայի» համար, ես գլխավորում էի այս կուսակցության ցանկը և, բնականաբար, սա վստահության նշան է»,- լրագրողներին ասել է նախագահը, հաղորդում է «ՌԻԱ Նովոստին»։

Նախագահը, որը գլխավորում է «Եդինայա Ռոսիայի» դաշնային ցանկը, մինչ այդ ասում էր, որ Պետդումայի ընտրությունները որոշակի հարց կդառնան իրեն վստահելու առումով։ «ՅՌ»-ն ընտրությունների ժամանակ հավաքել է ավելի քան ձայների 64 տոկոսը՝ 60 տոկոս հայտի դեպքում, երկրորդ տեղում է ՌԴԿԿ-ն՝ ավելի քան 11 տոկոս ձայներով։

«Յեդինայա Ռոսիայի» համար սա, իհարկե, ոչ միայն արդեն արվածի գնահատականն է, այլ, նախ և առաջ, ընտրողների ակնկալիքը, որ «Յեդինայա Ռոսիան» պետք է կառուցողական աշխատանքներ ձեռնարկի լուծելու համար քաղաքացիների սոցիալական հարցերը , որոնք հիմնականում կապված են աշխատավարձերի, կենսաթոշակների, նպաստների, ժողովրդագրական հիմնախնդիրների, գիտական և կրթական խնդիրների հետ»,- ընդգծել է Պուտինը։ --0—