Շոգը վերադառնում է Հայաստան

ԵՐԵՎԱՆ, 23 հունիսի. /Նովոստի–Արմենիա/. Օդի ջերմաստիճանը Հայաստանում հունիսի 23-26–ը կբարձրանա 5-6 աստիճանով, հայտնում է Հայհիդրոմետկենտրոնը։

Ամենաբարձր ջերմաստիճանները կգրանցվեն հունիսի 26-27–ի ցերեկային ժամերին Արարատի և Արմավիրի մարզերում, ինչպես նաև Սյունիքի հովիտներում և Վայոց Ձորի նախալեռներում, որտեղ սնդիկի սյունը կանգ կառնի 32-34 աստիճան տաքության ցուցանիշի վրա։

Երևանում ուրբաթ օդը կտաքանա մինչև 28-30 աստիճան տաքություն, իսկ հաջորդ չորս օրերին կտաքանա մինչև 32-34 աստիճան։

Հունիսի 23–24–ին Գեղարքունիքի, Լոռու և Տավուշի մարզերում սպասվում են կարճատև անձրևներ և ամպրոպներ, իսկ հունիսի 25–27–ին հանրապետությունում կդիտվի առանց տեղումների եղանակ։

Քամին կլինի հարավ–արևմտյան` 3-8 մետր վայրկյան արագությամբ, ամպրոպի ժամանակ նշված շրջաններում հնարավոր է քամու ուժգնացում մինչև 17-20 մետր վայրկյան։ -0-