ԵՐԵՎԱՆ, 18 ապրիլի. /Նովոստի–Արմենիա/. Հայաստանի վարչապետ Սերժ Սարգսյանը հարցազրույց է տվել «Շանթ» հեռուստաալիքին և պատմել է, թե ինչպես հանրահավաքները կարող են ազդել երկրի տնտեսական զարգացման վրա:
«Տասը տարիների ընթացքում Հայաստանը միայն մեկ հանգիստ տարի է ունեցել, որ չի եղել արտաքին և ներքին անկայունություն: Միակ տարին է երևի 2017թ-ը, երբ փողոցներում միտինգներ չկային, հանգիստ կարելի էր տուրիստներին գալ Երևան, ներդրողներին գալ ու ներդրումներ անել: Միակ տարին էր, և այդ տարին մենք ունեցել ենք 7.5 տոկոս տնտեսական աճ: Մեզ պետք է մի քանի տարի, որ այդ տնտեսական աճն ավելի շոշափելի դառնա մարդկանց համար»,- ասել է Սարգսյանը:
Загружается новость ...
"Право"
Նա միաժամանակ չի բացառել, որ, միևնույն է, դժգոհություն լինելու է, որովհետև մարդը ինչքան շատ ավելի լավ սկսի ապրել, այնքան պահանջները մեծանալու են:
«Բայց խնդիրն այն է, որպեսզի մենք հասնենք մի այնպիսի նվազագույն մակարդակի, որպեսզի գոնե ցանկությունների կեսը մարդիկ կարողանան իրականացնել: Սա է ամբողջ խնդիրը»,- ընդգծել է ՀՀ վարչապետը:
Այն հարցին, թե արդյոք հանրահավաքները խոչընդոտում են տնտեսական աճին` Սարգսյանն ասել է, որ դա կարող է այլ կերպ մեկնաբանվել: Մարդկանց իրավունքներն առաջնային են: Բայց միայն երբ դրանք իրականացվում են տրամաբանության սահմաններում, դրանք չեն խոչընդոտի զարգացմանը:
«Սակայն երբ դրանք դառնում են անհամաչափ, երբ դրանք վերածվում են խցանումների Երևանում, ապա Դուք ինչ եք կարծում՝ դա կարո՞ղ է արդյոք դրականորեն ազդել: Ասենք, եթե դուք որոշել եք գնալ Փարիզ, և տեսնում եք, որ տրանսպորտը չի գործում հանրահավաքների պատճառով: Դուք կգնա՞ք»,- հարցադրում է կատարում Սերժ Սարգսյանը:
Նա նաև առաջարկել է իրավիճակին նայել ներդրողի աչքերով, ով ընտրում է մի երկիր, որտեղ կարող է ունենալ գերշահույթ կամ մի երկիր, որտեղ կատարյալ գործում են օրենքները, և կայունություն կա:
«Ինչու՞ ես պիտի գնամ մի տեղ ներդրում անեմ, որտեղ անհանգստություն կա, որտեղ հանկարծ բազմությունը կարող է ներխուժել քո օֆիս և ասել, թե գիտեք` մենք ձեր ազատությունը սահմանափակում ենք: Խոսքն անցկացնելու ձևի մեջ է և ոչ թե իրավունքները սահմանափակելու: Մենք երբեք, որևէ պարագայում չենք գնա իրավունքների սահմանափակման»,- ասել է Հայաստանի վարչապետը: -0-
