ԵՐԵՎԱՆ, 4 սեպտեմբերի. /Նովոստի–Արմենիա/. Պաշտոնական տվյալներով, Հայաստանի բնակչության 1 տոկոսը տառապում է հոգեկան խանգարումներով, սակայն իրական թիվը շատ ավելի մեծ է, հայտնեց Երևանի պետական բժշկական համալսարանի կլինիկական հոգեբանության ամբիոնի ղեկավար Խաչատուր Գասպարյանը։
«Այդ տվյալները չեն խոսում այն մասին, որ մենք առողջ ազգ ենք, այլ այն մասին, որ չունենք հստակ վիճակագրություն։ Հայաստանում հաշվի են առնվել միայն այն անձիք, ովքոր դիմել են ստացիոնար հոգեկան բուժման։ Դա մեթոդաբանական մեծ խնդիր է, և Հայաստանի առողջապահության նախարարությունը պետք է վերանայի այդ վիճակագրական տվյալները»,– երկուշաբթի լրագրողներին ասաց Գասպարյանը։
Նրա խոսքով, համաշխարհային վիճակագրության համաձայն, ամեն երկրում բնակչության մինչև 15 տոկոսն ունի զանազան մտավոր և հոգեկան խնդիրներ։ Հայաստանում այդպիսի մարդկանց թիվը տատանվում է 7-15 տոկոսի սահմաններում։
Գասպարյանն ընդգծեց, որ հիվանդների մեծ մասի մոտ ախտորոշվում է օբսեսիվ–կոմպուլսիվային խանգարում (կպչուն վիճակների նևրոզ)։ Հայաստանի բնակչության համար խանգարումների այս տեսակները պաթոլոգիական են։
«Պաթոլոգիական են համարվում այն դեպքերը, երբ մարդը չի կարողանում իր արարքներին տրամաբանական բացատրություն տալ։ Օրինակ, երբ մարդը ծառ է տեսնում, նա պետք է երկու անգամ թակի դրա վրա` կողքով անցնելիս, կամ, փողոցով զբոսնելիս մարդը մտովի հաշվում է շենքի հարկերի թիվը և այլն»,– ասաց նա։
Загружается новость ...
"Право"
Գասպարյանի խոսքով, հայերի ամենասուր հոգեբանական խնդիրները կապված են պատմական իրադարձությունների հետ` Ցեղասպանության և Արցախյան պատերազմի։
Ինչ վերաբերում է մտավոր և հոգեկան խնդիրներ ունեցող մարդկանց բուժմանը, ապա, նրա խոսքով, նրանց բուժման համար բյուջեից հատկացված գումարի մեծ մասը` ավելի քան 90 տոկոսը, ծախսվում է հիվանդանոցների վրա, սակայն ողջ աշխարհում ապացուցվել է, որ կանխարգելիչ ամբուլատոր բուժումն ավելի արդյունավետ է։ -0-
