ՊՆ-ն հերքել է Ադրբեջանի ղեկավարության հայտարարությունները, թե, իբր, ՀՀ տարածքից հարձակում է իրականացվել Մինգեչաուրի ուղղությամբ

ԵՐԵՎԱՆ, 4 հոկտեմբերի․ /Նովոստի-Արմենիա/․ՀՀ պաշտպանության նախարարությունը պաշտոնապես տեղեկացնում է, որ Ադրբեջանի ղեկավարության հայտարարությունները, թե, իբր, Հայաստանի Հանրապետության տարածքից հարձակում է իրականացվել Մինգեչաուրի ուղղությամբ, հերթական կեղծիքն է։ Այս մասին Facebook-յան իր էջում գրել է ՀՀ ՊՆ մամուլի քարտուղար Շուշան Ստեփանյոնը։

Նա նշել է, որ Հայաստանից Ադրբեջանի ուղղությամբ որևէ տիպի կրակ չի վարվել։

«Սա ադրբեջանական կողմի հուսահատական ջղաձգումների հերթական արգասիք է»,- գրել է Ստեփանյանը։-0-