Փաշինյանը բացատրել է Երևանում ընտրողների ցածր մասնակցության պատճառները (ՎԻԴԵՈ)

ԵՐԵՎԱՆ, 23 սեպտեմբերի. /Նովոստի–Արմենիա/. Նյու Յորքի ճանապարհին գտնվող Հայաստանի վարչապետ Նիկոլ Փաշինյանն ուղիղ եթերում բացատրել է Երևանում ընտրողների ցածր մասնակցության պատճառները:

Հայաստանի ԿԸՀ տվյալներով, տեղական ժամանակով ժամը 14։00–ի տվյալներով Երևանի ավագանու ընտրություններին մասնակցել է 201 268 մարդ կամ ընտրողների ընդհանուր թվի 23,72%–ը: Ընտրացուցակներում ներառված է 848 343 մարդ։

«Այս ընտրություններում չկա նախկին պրակտիկան, երբ մարդկանց բերում են «ԳԱԶել»-ներով և երթուղայիններով: Հույս ունեմ, որ ընտրողները միևնույն է` կգան ընտրատեղամասր: Սրանք բացառիկ ընտրություններ են և բացառիկ են նրանով, որ հենց մարդկանց ընտրությունն է ազդելու արդյունքի վրա»,- ասաց Փաշինյանը, նշելով, որ հենց դա էլ ինտրիգ է ստեղծում:


Վարչապետը միաժամանակ համոզմունք հայտնեց, որ ինքը` ընտրական գործընթացը, ինչպես նաև ձայների հաշվարկը կանցնեն սիրո և հանդուրժողականության մթնոլորտում, բայց ընդգծեց, որ իրավապահ մարմինները, միևնույն է, զգոն են և շարունակում են կատարել իրենց աշխատանքը:

«Ընտրություններն այս պահին նորմալ են անցնում, ընդամենը երկու աննշան միջադեպ է եղել, բայց արդեն բոլորը հասկացել են, որ քաղաքացիների ազատ կամարտահայտմանը ոչինչ չի խանգարի, և միայն այդ որոշումից է կախված վերջնական արդյունքը»,– ասաց Փաշինյանը` կրկին կոչ անելով ակտիվ մասնակցելու «պատմական ընտրություններին»։

Հայաստանի վարչապետը նաև հայտնեց, որ հաջորդ անգամ նա ուղիղ եթեր կունենա արդեն Նյու Յորքից, ուր նա մեկնում է` մասնակցելու ՄԱԿ–ի Գերագույն ասամբլեայի 73–րդ նստաշրջանին։ Նա խոստացավ ներկայացնել ուղիղ եթերում իր դիրքորոշումն ինչպես քվեարկության ընթացքի, այլ նաև նախնական արդյունքների մասին։ -0-