«Օհանյան–Րաֆֆի–Օսկանյան» նախընտրական դաշինքը ֆինանսական խնդիրներ ունի

ԵՐԵՎԱՆ, 17 փետրվարի. /Նովոստի–Արմենիա/. «Օհանյան–Րաֆֆի–Օսկանյան» նախընտրական դաշինքը բախվել է ֆինանսական խնդիրների հետ, գրում է «Ժամանակ» թերթը։

Ինչպես նշվում է գրառման մեջ, դաշինքը մինչ օրս չի վճարել նախընտրական շտաբների տարածքների վարձակալության համար։

«Մարզային բազմաթիվ շտաբներ, որոնք բացվել են քարոզչության համար, արդեն փակվել են։ Մինչ այդ դաշինքին ֆինանսական աջակցություն էր ցուցաբերում Սեյրան Օհանյանը, ով, սակայն, առանձնապես շռայլություն չէր դրսևորում»,– ասվում է թերթում։

Պարբերականի տվյալներով, այժմ ֆինանսական հարցերով զբաղվում է Ղարաբաղի պաշտպանության նախկին նախարար Սամվել Բաբայանը, բայց նա էլ առանձնապես շռայլ չէ։ -0-