«Օգնե՛ք վերադարձնել մեր գերիներին»․ մտավորականների միաբանության երթը՝ դեպի ՌԴ դեսպանատուն (ՖՈՏՈ)

ԵՐԵՎԱՆ, 29 նոյեմբերի․ /Նովոստի-Արմենիա/․ Երևանում, մշակույթի և արվեստի գործիչների նախաձեռնությամբ, կիրակի անցկացվում է Միաբանության երթ` ի աջակցություն Արցախում անհայտ կորած և զոհված զինծառայողների հարազատներին: Մոտ կես ժամ առաջ Ազատության հրապարակում հավաքված ցուցարարները սկսեցին երթը, որի առաջին կետը Հայաստանում Ռուսաստանի դեսպանատունն է:

«Ինչի ՌԴ-ից ենք սկսում, որովհետեւ այն երկիրն է, որն իր միջամտությունը բերեց այս ամեն ինչին, որը որ կարողացավ ինչ որ մի կերպ մասնակցել այն հարցին, որով մենք ենք այսօր  զբաղվում , - հայտարարեց երթի կազմակերպիչներից մեկը` հայտնի դերասան և պրոդյուսեր Հրանտ Թոխատյանը:

Երթի կազմակերպիչները կոլեկտիվ նամակ են հղել Հայաստանում Ռուսաստանի արտակարգ և լիազոր դեսպան Սերգեյ Կոպիրկինուին` խնդրելով «անձամբ միջամտել տեղի ունեցողին և դիմումը հասցնել Ռուսաստանի ղեկավարությանը»` Ադրբեջանից հայ ռազմագերիներին և խաղաղ բնակիչներին հայրենիք վերադարձնելու գործընթացն արագացնելու համար։

Նախօրեին Հայաստն մշակույթի և արվեստի գործիչները բողոքի ցույց էին անցկացնում Շառլ Ազնավուրի անվան հրապարակում՝ հայ ռազմագերիներին և զոհված զինծառայողների մարմինները հայրենիք վերադարձնելու պահանջով: Կազմակերպիչները՝ կինոպրոդյուսեր Արմեն Գրիգորյանը, ռեժիսոր Մհեր Մկրտչյանը և դերասան Հրանտ Թոխատյանը, կոչ արեցին ներկաներին միանալ «Անմահ գնդի» նման գործողությանը զոհված և անհայտ կորած զինծառայողների լուսանկարներով՝ երթով գնալով դեպի Երևանի դեսպանատներ:-0-