Օդերևութաբանը լավատեսական կանխատեսում է տվել Հայաստանի բնակիչներին

ԵՐԵՎԱՆ, 28 ապրիլի. /Նովոստի-Արմենիա/. ՀՀ ԱԻՆ «Հիդրոմետ» ծառայության օդերևութաբանության կենտրոնի պետ Գագիկ Սուրենյանը ուրախացրել է հանրապետության բնակիչներին լավատեսական կանխատեսմամբ:

«Արարատյան դաշտի տարբեր հատվածներից, հատկապես` Վեդի, Ուրցաձոր, Դաշտաքար բնակավայրերից զանգեր եմ ստանում, որ այս գիշեր սպասվում է ցրտահարություն: Նման բան չկա, առաջիկա գիշերը Արարատյան դաշտում կանխատեսվում է +9...+11 աստիճան տաքություն», - գրել է նա Facebook-ի իր էջում:

Սուրենյանը վստահեցնում է, որ ցրտահարությունների վտանգը հանրապետության հովտային և նախալեռնային գոտիներում կարելի է համարել ավարտված: -0-