Աղաջանյան. «Նրանք ազատվել են վարչապետի որոշմամբ, երկու պաշտոնյաների գործունեությունը չի գոհացրել նրան»

20:39

18 Սեպտեմբերի 2019

ԵՐԵՎԱՆ, 18 սեպտեմբերի./Նովոստի–Արմենիա/. Կառավարության աշխատակազմի ղեկավար Էդուարդ Աղաջանյանը հայտնեց լրագրողներին, թե ինչպես և ինչու են զբաղեցրած պաշտոններից ազատվել Ազգային անվտանգության ծառայության տնօրեն Արթուր Վանեցյանը և ոստիկանապետ Վալերիյ Օսիպյանը։

«Նրանք ազատվել են վարչապետ Նիկոլ Փաշինյանի որոշմամբ։ Երկու պաշտոնյաների գործունեությունը չի գոհացրել նրան։ Նրանց հնարավորություն է տրվել դիմումներ ներկայացնելու»,– ասաց Աղաջանյանը «Քաղաքացիական պայմանագիր» կուսակցության նիստի արդյունքներով։

ՀՀ նախագահ Արմեն Սարգսյանը սեպտեմբերի 18–ին ստորագրեց Վալերիյ Օսիպյանին ՀՀ ոստիկանապետի պաշտոնից ազատելու հրամանագիրը։ Հիշեցնենք, որ նախօրեին երեկոյան հայկական ԶԼՄ–ները հաղորդեցին, որ Օսիպյանը հրաժարականի դիմում է ներկայացրել սեպտեմբերի 17–ին կայացած Ազգային անվտանգության խորհրդի նիստի ավարտին։

Սեպտեմբերի 16–ին ԱԱԾ տնօրեն Արթուր Վանեցյանը տեղեկացրեց հրաժարականի մասին գերատեսչության Facebook–յան էջում։ Նույն օրը ՀՀ վարչապետ Նիկոլ Փաշինյանը հայտարարեց, որ ստորագրել է ԱԱԾ տնօրենին պաշտոնից ազատելու միջնորդությունն ու համապատասխան հրամանը։ Նույն օրը ՀՀ նախագահ Արմեն Սարգսյանը ստորագրեց համապատասխան հրամանագիրը։

Загружается новость ... "Лево"

Աղաջանյանը զերծ մնաց Վանեցյանի գործունեությունից Փաշինյանի դժգոհության մանրամասների մասին խոսելուց։

«Միաժամանակ վարչապետը, Օսիպյանին նշանակելով խորհրդականի պաշտոնում, կարծում է, որ վերջինս օգտակար կլինի»,– ասաց Աղաջանյանը։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Էդուրադ Աղաջանյան #հրաժարականներ #մեկնաբանություն

Թեմատիկ նյութեր