Նախորդ շաբաթվա կարևոր նորությունների հնգյակը

09:00

30 Ապրիլի 2016

ԵՐԵՎԱՆ, 30 ապրիլի. /Նովոստի–Արմենիա/. «Նովոստի–Արմենիա» գործակալությունը հրապարակում է նախորդ շաբաթվա կարևոր նորությունների հնգյակը։

Ապրիլի 25–ին ժամը 21։51–ի սահմաններում Երևանի Հալաբյան փողոցում` «Թումո» ստեղծարար տեխնոլոգիաների կենտրոնից ոչ հեռու, N63 ավտոբուսում պայթյուն է տեղի ունեցել։ Ճշտված տվյալներով, ավտոբուսի պայթյունի հետևանքով երկու մարդ է զոհվել, յոթ տուժածներ հոսպիտալացվել են, այդ թվում` անչափահասներ և հղի կին։ Պայթյունի վարկածները մի քանիսն էին` հասարակության ծայրահեղականացումից մինչև ահաբեկություն, որը, սակայն, շուտով հերքվեց։ Դեպքի վայրի զննության արդյունքում հայտնաբերվել էր նախկինում երկու անգամ դատված անձի բջջային հեռախոսային քարտ, իսկ մեկ օր անց Հայաստանի քննչական կոմիտեն հրապարակեց Հալաբյան փողոցում ավտոբուսի պայթյունի ենթադրյալ մեղավորի անունը։

Հայաստանի նախագահ Սերժ Սարգսյանը զբաղեցրած պաշտոններից ազատել է Պաշտպանության ոլորտի մի շարք բարձրաստիճան ներկայացուցիչների։ Ինչպես հայտնում է հայկական պետության ղեկավարի մամուլի ծառայությունը, նախագահի հրամանագրերով զբաղեցրած պաշտոններից ազատվել են` Հայաստանի Հանրապետության պաշտպանության նախարարի տեղակալ-նյութատեխնիկական ապահովման դեպարտամենտի պետ Ալիկ Միրզաբեկյանը, Հայաստանի Հանրապետության զինված ուժերի գլխավոր շտաբի հետախուզության վարչության պետ Արշակ Կարապետյանը, Հայաստանի Հանրապետության զինված ուժերի կապի զորքերի պետ, կապի և ավտոմատացված կառավարման համակարգերի վարչության պետ գեներալ-մայոր Կոմիտաս Մուրադյանը։
Հայաստանի խորհրդարանը հինգշաբթի առաջին ընթերցմամբ ընդունեց Ընտրական նոր օրենսգրքի նախագիծը։ Օրենսգրքի լրացումների հիմքում ընկած են բարեփոխված Սահմանադրության սկզբունքները։ Նրա խոսքով, փորձ է արվել ստեղծել ընտրական ավանդական զեղծարարություններից խուսափելու, օրինակ, քվեաթերթերի լցոնումից, կրկնաքվեարկությունից, այսպես կոչված, «կարուսելի» կիրառումից խուսափելու մեխանիզմներ։
ԼՂՀ նախագահ Բակո Սահակյանն Արցախի հանրային հեռուստաընկերությանը տված հարցազրույցում ներկայացրել է Ղարաբաղի դեմ ադրբեջանական ագրեսիայի առաջին ժամերի որոշ մանրամասներ։ Բակո Սահակյանը նշել է, որ ապրիլի 2–ի գիշերը նա խորհրդակցություն է անցկացրել պաշտպանության նախարարի, Ազգային անվտանգության ծառայության և ոստիկանության ղեկավարների հետ, քանի որ նրան իրազեկել էին ադրբեջանական զորքի տեղաշարժի մասին։
«Գազպրոմ Արմենիա» ընկերությունը Հանրային ծառայությունները կարգավորող հանձնաժողովին ներքին սպառողի համար գազի գործող սակագնի վերանայման հայտ է ներկայացրել։ Այդ մասին ընկերությունը հայտնել էր չորեքշաբթի` ապրիլի 27–ին։ Հիշեցնենք, որ ապրիլի սկզբին Ռուսաստանը նվազեցրել է Հայաստան մատակարարվող գազի գինը 165 դոլարից մինչև 150 դոլար 1000 խմ գազի դիմաց։

Ծանոթացեք լուրերին առաջինն ու քննարկեք դրանք մեր Telegram-յան ալիքում

#նախորդ շաբաթ #գլխավոր նորություններ

Новости СМИ2

Partners News

Թեմատիկ նյութեր