ԵՐԵՎԱՆ, 29 ապրիլի./Նովոստի–Արմենիա/. Նոր Հայաստանում յուրաքանչյուր ոք կարող է ապացուցել իր իրավացիությունը, երկուշաբթի ասաց արդարադատության նախարար Արտակ Զեյնալյանը` պատասխանելով Պետական վերահսկողական ծառայության ղեկավար Դավիթ Սանասարյանի գործին վերաբերող հարցին:
Սանասարյանին ապրիլի 18–ին մեղադրանք է առաջադրվել Հայաստանի քրեական օրենսգրքի 308–րդ հոդվածի 1–ին մասով (Պաշտոնեական լիազորությունները չարաշահելը)։ Նրա պաշտոնավարումն այդ պաշտոնում ժամանակավոր դադարեցվել են։ Ինքը` Սանասարյանը, այս կապակցությամբ ասել է, որ իր վրա պարզապես «գործ են սարքում»։ Ազգային անվտանգության ծառայության ղեկավար Արթուր Վանեցյանը, սակայն, մեկնաբանելով նրա հայտարարությունը, հայտարարել է, որ Սանասարյանին առաջադրված մեղադրանքներն այս պահին ամբողջությամբ հիմնավոր են:
Загружается новость ... "Лево"
«Կողմերը վիճում են, տարբեր կարծիքներ ունեն, և Արդարադատության նախարարությունը չէ, որ պետք է որոշի` ով է նրանցից ճիշտ: Նրանցից յուրաքանչյուրը նոր Հայաստանում իրավունք ունի ապացուցելու իր իրավացիությունը»,- ասաց Զեյնալյանը:
Նա նշեց, որ յուրաքանչյուրը զբաղվում է իր պաշտպանությամբ, և ասաց, որ չի տա գործի ոչ իրավական, ոչ քաղաքական գնահատական` առաջարկելով սպասել դատական ակտին: -0-