Մոսկվա-Երևան չվերթերն իրականացվում են ուշացումով

ԵՐԵՎԱՆ, 9 հունվարի. /Նովոստի-Արմենիա/. Մոսկվա-Երևան և Երևան-Մոսկվա չվերթերն իրականացվում են ուշացումով, «Նովոստի-Արմենիա» գործակալությանը հայտնեց Հայաստանի քաղաքացիական ավիացիայի գլխավոր վարչության մամուլի քարտուղար Սաթենիկ Հովհաննիսյանը:

«Երեք չվերթ Մոսկվայից Երևան է ժամանել 15 րոպեից մինչև մեկ ժամ ուշացումով, համապատասխանաբար, դրանք դուրս են եկել Երևանից ևս ուշացումով: Երևանի «Զվարթնոց» օդանավակայանն աշխատում է սովորական ռոժիմով, եղանակային պայմանները նորմալ են», - ասաց Հովհաննիսյանը:

«Yandex չվացուցակներ» կայքի տեղեկատվության համաձայն, երկուշաբթի Մոսկվայի օդանավակայաններում չեղարկվել է 40 չվերթ, և 20-ից ավելի ուշացում ունեն: Ավելի վաղ հայտնի էր դարձել, որ հնարավոր են կարճաժամկետ ուշացումներ ինչպես մեկնող, այնպես էլ ժամանող չվերթերի դեպքում` կապված օդանավակայանները և օդանավները հակասառցակալման նյութերով մշակելու հետ: -0-