Լևոն Տեր–Պետրոսյանը կգլխավորի ՀԱԿ նախընտրական ցուցակը

ԵՐԵՎԱՆ, 6 փետրվարի. /Նովոստի–Արմենիա/. «Հայ ազգային կոնգրես» կուսակցությունն ընտրություններին մասնակցելու է Ստեփան Դեմիրճյանի ղեկավարած ՀԺԿ կուսակցության հետ դաշինքով, երկուշաբթի լրագրողներին հայտնել է ՀԱԿ խմբակցության ղեկավար Լևոն Զուրաբյանը։

«Համարում ենք համարձակ դաշինք, որը բավական լուրջ նպատակներ ունի և ապահովել է քաղաքական մաքրությունը: Չեմ բացառում, որ դաշինքը հենց այդպես էլ կկոչվի՝ Կոնգրես-ՀԺԿ», - ասել է նա:

Զուրաբյանը տեղեկացրել է, որ ՀԱԿ նախընտրական ցուցակը գլխավորելու է Լևոն Տեր-Պետրոսյանը, երկրորդ տեղում կլինի Ստեփան Դեմիրճյանը:

«Մնացած տեղերը դեռ որոշված չեն, և նման խոսակցություն էլ դեռ չի եղել», - ընդգծել է Զուրաբյանը: -0-