Լարված իրավիճակ և նոր զարգացումներ հայ-ադրբեջանական սահմանին, 4 զոհ հակառակորդի կրակոցից, կրկնվող կիբերհարձակումներ. հուլիսի 14-ի լրահոսը
ԵՐԵՎԱՆ, 15 հուլիսի./Նովոստի-Արմենիա/. Ներկայացնում ենք երեքշաբթի՝ հուլիսի 14-ի առավել ուշագրավ նորությունները:
Հակառակորդը հարվածային ԱԹՍ-ով թիրախավորել էր Բերդի քաղաքացիական ենթակառուցվածքները։ Տուժածներ չկան։
Հուլիսի 14-ի գիշերը ՀՀ ԶՈՒ մարտական դիրքերից դիտարկվել է հակառակորդի տանկի շարժ, որը մեր կողմից վարված կրակով կասեցվել է։
ՀՀ ՊՆ մամուլի քարտուղար Շուշան Ստեփանյանը տեսանյութ է հրապարակել, որտեղ երևում է, թե ինչպես են ոչնչացվում ադրբեջանական հենակետերը։
Հայաստանում հուլիսի 14-ի, ժամը 11:00-ի դրությամբ հաստատվել է կորոնավիրուսով վարակման 339 նոր դեպք, ընդհանուր` 32490։
Ադրբեջանցի հաքերները կոտրել են ՀՀ վարչապետի կայքը:
Հուլիսի 14-ին հայտնի դարձավ, որ հայ-ադրբեջանական պետական սահմանագոտու հյուսիսարևելյան հատվածում հակառակորդի արձակած կրակից մահացու վիրավորում է ստացել երկու զինծառայող, ինչից հետո մի քանի ժամ անց հաղորդվեց ևս երկու նոր մահերի մասին՝ 2 կրտսեր սերժանտների մահվան մասին:
Ադրբեջանում 2 բարձրաստիճան սպա է զոհվել:
«Մոնթե Մելքոնյան» կիբերբանակ հաքերական խումբը հրապարակել է Ադրբեջանի ռազմածովային ուժերի գաղտնի տվյալները:
Հայկական հաքերային թիմերից մեկը հայտնում է, որ կոտրել է Ադրբեջանի մոտ երկու հազար տնային տնտեսությունների և օֆիսների WiFi սարքերը: -0-
