576.34
6.26
490.17
+10
Եղանակը Երևանում
Հայ
ԿԱՅԾԱԿ Պատերազմ Արցախում. բոլոր նորությունները` ռազմաճակատից (ԹԱՐՄԱՑՎՈՂ)

Ի՞նչ տուգանքներ են նախատեսվում կարանտինի ժամանակ և որքան են դրանք կազմելու. ոստիկանության հայտարարությունը (ՄԱՆՐԱՄԱՍՆԵՐ)

17:54
14 Սեպտեմբերի 2020

ԵՐԵՎԱՆ, 14 սեպտեմբերի./Նովոստի-Արմենիա/. ՀՀ ոստիկանությունը ներկայացրել է կարանտինի ժամանակ գործող տուգանքներն ու դրանց չափերը:

Հայաստանի Հանրապետությունում կորոնավիրուսային հիվանդությամբ (COVID-19) պայմանավորված իրավիճակից ելնելով՝ ՀՀ կառավարության 11.09.2020թ. N 1514-Ն որոշմամբ Հայաստանի Հանրապետության ողջ տարածքում սահմանվել է կարանտին՝ 2020 թվականի սեպտեմբերի 11-ի ժամը 17.00-ից մինչև 2021 թվականի հունվարի 11-ը ներառյալ:

ՀՀ ոստիկանության մամուլի ծառայության հաղորդմամբ, վարչական իրավախախտումների վերաբերյալ ՀՀ օրենսգրքի 182.4-րդ հոդվածով նախատեսված է պատասխանատվություն` կարանտին սահմանելու մասին որոշմամբ կիրառվող սահմանափակումների խախտման համար:

Ոստիկանության կողմից արձանագրվելու և քննվելու են 182.4-րդ հոդվածի 1-ին, 2-րդ և 5-8-րդ, 9-րդ և 10-րդ մասերով նախատեսված վարչական իրավախախտումների վերաբերյալ գործերը:

Մասնավորապես՝

Կարանտին սահմանելու մասին որոշմամբ սահմանված համաճարակի (կարանտինային) գոտի մուտքի և ելքի հատուկ ռեժիմը խախտելը, որն առաջացնում է տուգանքի նշանակում` 50.000 - 70.000 դրամի չափով:

Կարանտինի ընթացքում անձանց ազատ տեղաշարժվելու իրավունքի կամ տրանսպորտային միջոցների տեղաշարժման սահմանափակումները խախտելը, ինչպես և դրանց զննման իրականացմանը խոչընդոտելը, որոնք առաջացնում են տուգանքի նշանակում` 10.000 դրամի չափով։

Նշվում է, որ բնակության վայրի բնակելի տարածքից դուրս գտնվելիս և տեղաշարժվելիս անձը հաստատող փաստաթղթի առկայությունը պարտադիր է:

Կարանտինի ընթացքում հավաքներ կազմակերպելու կամ անցկացնելու սահմանափակումները խախտելը, որն առաջացնում է տուգանքի նշանակում` 50.000 - 200.000 դրամի չափով:

Загружается новость ... "Лево"

Կարանտինի ընթացքում հավաքների մասնակցելու սահմանափակումները խախտելը, որն առաջացնում է տուգանքի նշանակում` 10.000 դրամի չափով։

«Հավաքներ կազմակերպել, անցկացնել և հավաքներին մասնակցել թույլատրվում է միայն ՀՀ կառավարության 11.09.2020թ. N 1514-Ն որոշման հավելվածի 18-րդ կետով սահմանված անհատական պաշտպանության միջոցների կիրառման և անձանց միջև նվազագույնը 1,5 մետր հեռավորության պահպանման դեպքում»,- նշվում է ոստիկանության հաղորդագրության մեջ:

Կարանտինի ընթացքում հանրային միջոցառումներ կազմակերպելու, անցկացնելու կամ դրանց մասնակցելու սահմանափակումները և արգելքները խախտելը, որն առաջացնում է տուգանքի նշանակում` 50.000 - 100.000 դրամի չափով։

Նշվում է, որ հանրային միջոցառումները թույլատրվում են միայն հետևյալ սահմանափակումներով՝
1) տոնական և հիշատակի միջոցառումները, ներառյալ` ծննդյան (տարեդարձի), հարսանյաց (նշանադրության) միջոցառումները, հոգեհանգստի և հուղարկավորության արարողությունները՝ 60-ից ոչ ավելի անձանց մասնակցությամբ.
2) անձանց սոցիալական, մշակութային, կրթական, սպորտային կամ այլ ժամանցային կարիքների բավարարմանն ուղղված այլ միջոցառումները (այդ թվում՝ համերգները, ցուցահանդեսները, ցուցադրությունները, թատերական ներկայացումները, կրթական այլ միջոցառումներ), եթե վերջիններս չեն հանդիսանում տնտեսական գործունեության տեսակ, 60-ից ոչ ավելի անձանց մասնակցությամբ.
3) փակ տարածքներում հանրային միջոցառումները՝ ի լրումն սույն կետի 1-ին և 2-րդ ենթակետերով նախատեսված պահանջների՝ նաև բնական կամ ներհոս-արտաձիգ արհեստական օդափոխության առկայության և սանիտարահամաճարակային անվտանգության կանոնների պահանջների պահպանման դեպքում:

Կարանտինի ընթացքում կանոնավոր փոխադրումներ իրականացնող տրանսպորտային միջոցների սահմանափակումները խախտելը, ինչպես և դրանց զննման իրականացմանը խոչընդոտելը, որոնք առաջացնում են տուգանքի նշանակում` 50.000 - 100.000 դրամի չափով:

Կարանտինի ընթացքում մեկուսացման կամ ինքնամեկուսացման կանոնները խախտելը, որն առաջացնում է տուգանքի նշանակում՝ 50.000 - 200.000 դրամի չափով:

Կարանտինի ընթացքում անհատական պաշտպանության միջոցների կիրառման կանոնները խախտելը, որն առաջացնում է տուգանքի նշանակում՝ 10.000 դրամի չափով։

Անհատական պաշտպանության միջոցների ցանկը, կիրառման դեպքերն ու կարգը, սանիտարահամաճարակային անվտանգության կանոնները հաստատվել են ՀՀ առողջապահության նախարարի 11.09.2020թ. N 23-Ն հրամանով:

«Բնակչության առողջության պահպանման և կորոնավիրուսային հիվանդության բացասական հետևանքները նվազեցնելու նկատառումներով ՀՀ ոստիկանությունը հորդորում է պահպանել կարանտին սահմանելու մասին որոշմամբ նախատեսված սահմանափակումները, ինչպես և անհատական պաշտպանության միջոցների կիրառման համար ՀՀ առողջապահության նախարարի կողմից սահմանված կարգը»,- նշվում է հայտարարության մեջ:

Կարանտին արտակարգ դրության փոխարեն

Կորոնավիրուսի համավարակի պատճառով Հայաստանում արտակարգ դրության ռեժիմը գործել է մարտի 16–ից մինչև սեպտեմբերի 11–ը ներառյալ։ Համապատասխան օրենքների փաթեթում ԱԺ–ի կողմից կատարված լրացումներից հետո ՀՀ կառավարությունը Հայաստանի ամբողջ տարածքում հայտարարել է կարանտին մինչև 2021թ.–ի հունվարի 11–ը։

Կարանտինը մասնավորապես նախատեսում է երկիր մուտքի և ելքի հատուկ ռեժիմ, ինքնամեկուսացման կանոններ, ինչպես նաև մի շարք սահմանափակումներ, այդ թվում` հանրային միջոցառումների, ուսումնական գործընթացի և տնտեսական գործունեության մասով։ Հայաստանի ողջ տարածքում պետք է կիրառվեն անհատական պաշտպանության միջոցներ, բնակության վայրից դուրս գտնվելիս և տեղաշարժվելիս անհրաժեշտ է ունենալ անձը հաստատող փաստաթուղթ։

Սեպտեմբերի 14-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 45969 դեպք, որոնցից 41693-ն` առողջացած, 919-ը: Կորոնավիրուսային հիվանդությամբ այս պահին փաստացի բուժում է ստանում 3075 պացիենտ: Ընդհանուր առմամբ կատարվել է 240943 թեստավորում:-0-

Partners News
Partners News
ԱՌԿԱ գործակալություն
Բաժնի այլ նյութեր
00:20
08 Հոկտեմբերի 2020
Ադրբեջանը մտադիր է Արցախում էթնիկ զտում իրականացնել․ ՀՀ նախագահ
ՀՀ նախագահ Արմեն Սարգսյանը հանդիպել է ռուսաստանյան լրատվամիջոցների ներկայացուցիչների հետ
19:54
07 Հոկտեմբերի 2020
Գագիկ Ծառուկյանը կմնա կալանքի տակ
ՀՀ վերաքննիչ քրեական դատարանը մերժեց ԲՀԿ առաջնորդ Գագիկ Ծառուկյանին կալանքից ազատելու վերաբերյալ պաշտպանների բողոքը
17:44
07 Հոկտեմբերի 2020
Թուրքիան պետք է դադարեցնի իր ներգրավվածությունը ղարաբաղյան հակամարտության մեջ․ Փաշինյանն անվանել է զինադադարի պայմանները
Թուրքիան պետք է դադարեցնի իր ներգրավվածությունը և դուրս բերի կամ չեզոքացնի վարձկաններին ու ահաբեկիչներին․ Նիկոլ Փաշինյան
14:10
07 Հոկտեմբերի 2020
Եթե ցանկանում ենք, որ վիրավորված զինվորները ստանան լավագույն բուժսպասարկումը, հետևեք սանիտարահամաճարակային բոլոր կանոններին․ Ավինյան
ՀՀ փոխվարչապետ Տիգրան Ավինյանը հայտարարություն է տարածել Հայաստանում վերջին օրերին կորոնավիրուսի թվերի աճի վերաբերյալ
13:02
07 Հոկտեմբերի 2020
Փաշինյանը վստահ է, որ Ռուսաստանը կօգնի ապահովել Հայաստանի անվտանգությունն ուղղակի սպառնալիքի դեպքում (ՎԻԴԵՈ)
ՀՀ վարչապետ Նիկոլ Փաշինյանը BBC World News- ին տված հարցազրույցում վստահություն է հայտնել Ռուսաստանի աջակցության վերաբերյալ․ ՎԻԴԵՈ
12:25
07 Հոկտեմբերի 2020
672 նոր դեպք՝ 1 օրում. ՀՀ-ում կորոնավիրուսի դեպքերի թիվը հասավ 53755-ի. մահացել է 5 մարդ
672 նոր դեպք՝ 1 օրում. ՀՀ-ում կորոնավիրուսի դեպքերի թիվը հասավ 53755-ի. մահացել է 5 մարդ
11:48
07 Հոկտեմբերի 2020
Հայաստանն ընդլայնում է կառավարության լիազորությունները պաշտպանության ոլորտում
ՀՀ ԱԺ պատգամավորները երկրորդ և վերջին ընթերցմամբ ընդունեցին «Պաշտպանության մասին» օրենքում փոփոխությունները
10:15
07 Հոկտեմբերի 2020
ՀՀ որոշ ճանապարհներին թույլ անձրև է տեղում, տեսանելիությունը՝ 20-25 մետր
Վարորդներին խորհուդ է տրվում լինել զգոն ՀՀ հարավային շրջանի ավտոճանապարհով երթևեկելից
23:21
06 Հոկտեմբերի 2020
ՊՆ. Լկտի սուտ է ադրբեջանական կողմի հայտարարությունը, թե, իբր, հայկական ստորաբաժանումները փորձել են հարվածել Բաքու-Թբիլիսի-Ջեյհան նավթամուղին
ՊՆ–ից հայտնում են, որ լկտի սուտ է ադրբեջանական կողմի հայտարարությունը, թե, իբր, հայկական ստորաբաժանումները փորձել են հարվածել Բաքու-Թբիլիսի-Ջեյհան նավթամուղին
21:25
06 Հոկտեմբերի 2020
Բացարձակ անընդունելի է հայկական կողմի մարտական տեխնիկայի շարժի, դիրքերի վերադասավորման մասին տեսանյութերի և գրառումների տարածումը. ՊՆ
Բացարձակ անընդունելի է հայկական կողմի մարտական տեխնիկայի շարժի, կրակի, դիրքերի վերադասավորման մասին տեսանյութերի և գրառումների տարածումը. ՊՆ  
19:51
06 Հոկտեմբերի 2020
«Shame.am»–ը հրապարակել է միակողմանի չփաստարկված կարծիքներ և ակնհայտ սուտ տեղեկություններ. ԱԱԾ-ն վարույթ է նախաձեռնել
«Shame.am»–ը հրապարակել է միակողմանի չփաստարկված կարծիքներ և ակնհայտ սուտ տեղեկություններ. ԱԱԾ-ն վարույթ է նախաձեռնել
18:43
06 Հոկտեմբերի 2020
ԱԱԾ–ն զգոնության կոչ է անում. հակառակորդի կողմից կոտրվում են Facebook-յան էջեր, կատարվում են զանգեր
ԱԱԾ–ն զգոնության կոչ է անում. հակառակորդի կողմից կոտրվում են Facebook-յան էջեր, կատարվում են զանգեր