ՀՀ երեք մարզերի կանայք կկարողանան մամոգրաֆիայի անվճար հետազոտություն անցնել. նախարար

ԵՐԵՎԱՆ, 5 օգոստոսի./Նովոստի–Արմենիա/. Հայաստանի երեք մարզերում շուտով կկատարվեն կրծքագեղձի քաղցկեղի կանխարգելման և վաղ հայտնաբերման սքրինինգային հետազոտություններ։ Այս մասին գրել է Հայաստանի առողջապահության նախարար Արսեն Թորոսյանը Facebook–ի իր էջում։

Հետազոտությունները հնարավոր են դարձել շարժական մամոգրաֆի պայմանագրի կնքման շնորհիվ։



«Ծրագրի իրականացումը հնարավորություն կտա ՀՀ Տավուշի, Սյունիքի և Լոռու մարզերի 50-69 տարեկան կանանց անցնել մամոգրաֆիայի անվճար հետազոտություն՝ կանխարգելելով հիվանդությունը»,– գրել է նախարարը, ավելացնելով, որ քքրինինգն իրականացվելու է Հայաստանի Հանրապետության և Եվրասիական կայունացման և զարգացման հիմնադրամի միջև ստորագրված «Առողջապահության առաջնային օղակում ոչ վարակիչ հիվանդությունների կանխարգելման և վերահսկման կատարելագործում» դրամաշնորհային Ծրագրի շրջանակներում: -0-