Հայկական բուհերում կրիտիկական վերջնաժամկետ է սահմանվել ուսման վարձավճարների համար. թերթ

ԵՐԵՎԱՆ, 2 սեպտեմբերի. /Նովոստի-Արմենիա/. Հայկական բուհերն ուսման վարձավճարների համար ուսանողների համար կրիտիկական վերջնաճամկետ են սահմանել, գրում է «Չորրորդ իշխանություն» թերթը:

Ինչպես նշում է թերթը, նախօրեին բազմաթիվ ահազանգեր են ստացվել Հայաստանի տարբեր բուհերում սովորող ուսանողների ծնողներից` կապված մի շարք հայկական բուհերի ղեկավարությունների որոշման հետ:

Մասնավորապես, ծնողների խոսքով, բուհերի ղեկավարությունները հայտարարել են, որ ուսման վարձավճարի վերջնաժամկետը սեպտեմբերի 1-ն է։

«Սովորաբար ուսման վարձը վճարելու վերջնաժամկետը սահմանվում է սեպտեմբերի 15– 18-ը, սակայն այս տարի ուսանողներին պարտադրել են վճարումները կատարել հենց սեպտեմբերի 1-ին։ Այն ուսանողները, ովքեր չեն վճարել երեկ, այսօրվանից արդեն չեն կարողանա մասնակցել պարապմունքներին», - հաղորում է պարբերականը։

Ինչպես նշվում է հաղորդագրության մեջ, խմբագրության ահազանգերը սկսվեցին աշխատանքային օրվա վերջում, ինչի հետևանքով չհաջողվեց կոնկրետ բուհերի ղեկավարություններից պարզել ստեղծված իրավիճակը (բուհերի անունները չեն նշվում. «Նովոստի-Արմենիա»)։ -0-