479.46
6.83
448.18
+29
Եղանակը Երևանում
Հայ

Հայաստանը 21-րդ դարում ցեղասպանությունների դեմ պայքարի առաջատարներից մեկը կլինի. Սարգսյան

12:48
23 Ապրիլի 2016

ԵՐԵՎԱՆ, 23 ապրիլի. /Նովոստի-Արմենիա/. Հայաստանը 21-րդ դարում ցեղասպանությունների դեմ պայքարի առաջատարներից մեկը կլինի, շաբաթ ասաց Հայաստանի նախագահ Սերժ Սարգսյանը Երևանում «Ընդդեմ ցեղասպանության հանցագործության» երկրորդ գլոբալ համաժողովի բացմանը:

Նախագահը նշեց, որ մեկ տարի առաջ՝ Հայոց ցեղասպանության 100-րդ տարելիցի նախօրեին, նա պատիվ ունեցավ ազդարարելու հասարակական-քաղաքական այս գլոբալ համաժողովի աշխատանքների մեկնարկը՝ հավատալով դրա առաքելությանն ու հաջողությանը։

Ջորջ Քլունի. չի' կարելի ժխտել Ցեղասպանության փաստը>>

Սարգսյանի խոսքով, հիմնական առաքելությունն էր՝ վերհանել ցեղասպանությունների կանխարգելման առկա հիմնախնդիրները, մշակել դրանց լուծման ուղիները և համախմբել քաղաքակիրթ մարդկության ներուժը` 21-րդ դարում մարդկության դեմ հանցագործությունների նկատմամբ վճռական հաղթանակ տանելու նպատակով:

«Այսօր՝ մեկ տարի անց, համոզված կարող եմ ասել, որ այն հաջողվեց․ առաջին համաժողովը լայն արձագանք գտավ ոչ միայն մասնագիտական շրջանակներում, այլև բազմահազար մարդկանց շրջանում, ոչ միայն Հայաստանում, այլև նրա սահմաններից դուրս: Այն առիթ դարձավ, որ աշխարհը մեկ անգամ ևս խոսի մարդածին ծանրագույն չարիքի՝ ցեղասպանության մասին»,- ասաց Սարգսյանը:

Առաջին անգամ «Ընդդեմ ցեղասպանության հանցագործության» գլոբալ համաժողովը Երևանում կայացել է 2015 թվականին` Օսմանյան կայսրությունում Հայոց ցեղասպանության 100-րդ տարելիցի միջոցառումների շրջանակում:

Նախագահը նշեց, որ դրանով էր հիմնավորված որոշումը` այս համաժողովը մշտական հարթակ դարձնել այն անհատների, ցեղասպանություն վերապրածների, նրանց սերունդների և, իհարկե, այն պետությունների ու միջազգային կառույցների համար, որոնք վճռական են ու միակամ իրենց լուման բերելու համամարդկային այս պայքարին։
2015 թվականը մի հանգրվան էր, երբ հայ ժողովուրդը վերաիմաստավորեց իր գոյության իրավունքի և պատմական արդարության վերականգնմանն ուղղված հարյուրամյա պայքարը։
«Եվ ցեղասպանության 100-րդ տարելիցը մենք խորհրդանշեցինք ոչ թե սգով, այլ աշխարհին ուղղված երախտագիտության ու վերածննդի ուղերձներով և այն հաստատակամությամբ, որ Հայաստանի Հանրապետությունը 21-րդ դարում լինելու է այդ հանցագործության դեմ պայքարի առաջամարտիկներից մեկը։ Մեր պատկերացումն այսօր հստակ է՝ պետք է ցեղասպանության անթույլատրելիության մասին բացարձակ գիտակցություն արմատավորել նմանօրինակ աղետներից պաշտպանվելու համար»,- ասաց Սարգսյանը:

Սիցիլիայի խորհրդարանը ճանաչել է Հայոց ցեղասպանությունը>>

Նախագահն այս իմաստով կարևորեց 2015 թվականն այն համատեքստում, որ աշխարհի շատ երկրների ղեկավարներ, խորհրդարաններ, միջազգային կառույցներ, կրոնական կազմակերպություններ, ականավոր անհատներ իրենց համերաշխությունը հայտնեցին ցեղասպանությունների դեմ մեր ընդհանուր պայքարին՝ ճանաչելով ու դատապարտելով Հայոց ցեղասպանությունը։

Նա նշեց, որ Ներկա աշխարհի զարգացման տրամաբանությունն աներկբայորեն փաստում է․ մենք այլևս փոխկապակցված ենք՝ փոխկապակցված այնքան, որ որևէ մեկիս ձախողումը բերում է մյուսների ձախողմանը, հաջողությունը՝ հաջողությանը, տառապանքը՝ տառապանքին։

«Այսօր դժվար է պատկերացնել անվտանգության դեմ ուղղված մի մարտահրավեր, որ սպառնա միայն մեկ երկրի։ Հետևաբար որևէ մեկս չենք կարող ապահովագրված զգալ այն սարսափներից, որ ապրել են մեր նախնիները 20-րդ դարում, որ վերապրում են մեր ժամանակակիցները՝ 21-րդ դարում, եթե այսօր իսկ որոշում չընդունենք, եթե այսօր իսկ չասենք «այլևս երբեք»՝ անկախ այն գնից, որ յուրաքանչյուրս վճարելու ենք։ Այս տրամաբանությունը մեզ հուշում է նաև, որ աշխարհի որևէ անկյունում իրականացված ցեղասպանությունը պետք է ընկալվի որպես ողջ միջազգային հանրության ձախողման հետևանք, իսկ դրանց կանխարգելումը՝ որպես յուրաքանչյուրիս, այնպես էլ ողջ մարդկության պատասխանատվություն: Ուստի, շատ բնական է, որ ցեղասպանության ենթարկվածները, այն վերապրողներն ու նրանց սերունդները իրենց հայացքները շարունակելու են ուղղել միջազգային հանրությանը՝ արդարություն հայցելով»,- ասաց Սարգսյանը:

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
12:29
27 Մայիսի 2022
Ոստիկանությունը փորձում է ուժով արգելաբացել Երևան–Սևան մայրուղին (ՎԻԴԵՈ)
Ոստիկանությունը փորձում է ուժով արգելաբացել Երևան–Սևան մայրուղին. ՎԻԴԵՈ
12:00
27 Մայիսի 2022
Արգելվել է կապիկների և կրծողների ներմուծումը Հայաստան
Արգելվել է կապիկների և կրծողների ներմուծումը Հայաստան
11:34
27 Մայիսի 2022
Հիմնանորոգվում է «Հանրապետություն մետրո»-ի քարե շինությունը (ՎԻԴԵՈ)
Հիմնանորոգվում է «Հանրապետություն մետրո»-ի քարե շինությունը. ՎԻԴԵՈ
11:24
27 Մայիսի 2022
Հայտնի են ոլորտները, որտեղ կօգտագործվի Հայաստանի առաջին տիեզերական արբանյակը (ՖՈՏՈ)
Հայտնի են ոլորտները, որտեղ կօգտագործվի Հայաստանի առաջին տիեզերական արբանյակը. ՖՈՏՈ
11:15
27 Մայիսի 2022
Ամառը մոտենում է. Հայաստանում սպասվում է մինչև +34 աստիճան
Ամառը մոտենում է. Հայաստանում սպասվում է մինչև +34 աստիճան
11:03
27 Մայիսի 2022
Հայաստան է ժամանել Փարիզի քաղաքապետ Անն Իդալգոն (ՎԻԴԵՈ)
Հայաստան է ժամանել Փարիզի քաղաքապետ Անն Իդալգոն. ՎԻԴԵՈ
15:23
26 Մայիսի 2022
Ուշադրություն. մայիսի 28–ին ճանապարհներ են փակ լինելու (ՎԻԴԵՈ)
Ուշադրություն. մայիսի 28–ին ճանապարհներ են փակ լինելու. ՎԻԴԵՈ
14:51
26 Մայիսի 2022
Տոնոյանը ներկայացրեց ԲԴԽ նախագահի պաշտոնակատարի հետ հանդիպման արդյունքները, բազմաթիվ ծնողներ դժգոհ էին
Տոնոյանը ներկայացրեց ԲԴԽ նախագահի պաշտոնակատարի հետ հանդիպման արդյունքները, բազմաթիվ ծնողներ դժգոհ էին
14:07
26 Մայիսի 2022
Հայկական կողմին է վերադարձվել ապրիլի 23–ին հայ–ադրբեջանական սահմանը հատած ժամկետային զինծառայողը.ՊՆ
Ադրբեջանը վերադարձրել է ապրիլի 23–ին հայ–ադրբեջանական սահմանը հատած ժամկետային զինծառայողին
12:58
26 Մայիսի 2022
Արցախում զոհված զինծառայողների ծնողները փորձեցին ճեղքել ոստիկանական պատնեշը ԲԴԽ–ի մոտ. նրանց ներս թողեցին
Այսօր ավելի վաղ զոհված զինծառայողների ծնողները պահանջում էին հանդիպել ԲԴԽ ղեկավարի պաշտոնակատար Գագիկ Ջհանգիրյանի հետ
11:31
26 Մայիսի 2022
Հրապարակվել է Հայաստանի առաջին արբանյակի՝ Երկիր մոլորակի ուղեծիր արձակելու պահը (ՖՈՏՈ, ՎԻԴԵՈ)
Հրապարակվել է Հայաստանի առաջին արբանյակի՝ Երկիր մոլորակի ուղեծիր արձակելու պահը. ՖՈՏՈ, ՎԻԴԵՈ
11:22
26 Մայիսի 2022
Երկիր մոլորակի ուղեծիր է դուրս բերվել Հայաստանի առաջին տիեզերական արբանյակը
Երկիր մոլորակի ուղեծիր է դուրս բերվել Հայաստանի առաջին տիեզերական արբանյակը