ԵՐԵՎԱՆ, 16 օգոստոսի. /Նովոստի-Արմենիա/. Իտալիայի քաղաքացին փորձել է կաշառել ՊԵԿ–ի պաշտոնյային։
Ինչպես հայտնում է քննչական կոմիտեի մամուլի ծառայությունը, տվյալ քրեական գործով նախաքննությունն ավարտվել է։
Ձեռք բերված տվյալների համաձայն, Իտալիայի Հանրապետության՝ 57-ամյա քաղաքացին հայաստանյան ՍՊ ընկերության փոխտնօրենի օժանդակությամբ փորձել է միջնորդի միջոցով առանձնապես խոշոր չափերով կաշառք տալ ՀՀ ՊԵԿ քննչական վարչության պաշտոնյային։
Загружается новость ...
"Право"
ՊԵԿ քննչական վարչության պաշտոնյային կաշառելու համար միջնորդ հանդիսացող տեսուչը փոխտնօրենի միջոցով իտալացի գործարարից պահանջել է առանձնապես խոշոր չափերով՝ 5.000.000 ՀՀ դրամ՝ հայտնելով, թե այդ գումարի դիմաց ՊԵԿ պաշտոնյան, իբր, հետամուտ կլինի քրեական գործով վարույթի կարճմանը։
Ընդունելով կաշառքի առարկայի շուրջ առաջարկը՝ փոխտնօրենը 2018 թվականի օգոստոս ամսվա ընթացքում իտալացի գործարարից ստացել և հարկային տեսուչին է փոխանցել առանձնապես խոշոր չափերով՝ 5.000.000 ՀՀ դրամ կաշառք-գումարը, որը վերջինս խարդախությամբ հափշտակել է, ինչի արդյունքում գործարարն իր կամքից անկախ հանգամանքներով չի կարողացել ավարտին հասցնել հանցագործությունը, այն է՝ միջնորդի միջոցով առանձնապես խոշոր չափերով կաշառք տալ ՊԵԿ պաշտոնատար անձին։
Ձեռք բերված բավարար ապացույցների համակցությամբ՝ Իտալիայի Հանրապետության քաղաքացուն մեղադրանք է առաջադրվել՝ ՀՀ քրեական օրենսգրքի 34-312-րդ հոդվածի 3-րդ մասի 1-ին կետով (Կաշառելու փորձը)։ Նրա նկատմամբ որպես խափանման միջոց է ընտրվել ստորագրություն՝ չհեռանալու մասին:
Հայտարարվել է նախաքննության ավարտի մասին, և քրեական գործը՝ մեղադրական եզրակացությամբ, ուղարկվել է դատարան: -0-
