ԵՐԵՎԱՆ, 25 ապրիլի./Նովոստի–Արմենիա/. Հայաստանի քրեակատարողական հիմնարկներում նախորդ իշխանությունների օրոք գոյություն ունեցող բոլոր «զոն նայողների» արտոնություններն ամբողջովին վերացվել են, հինգշաբթի ճեպազրույցում ասաց Հայաստանի արդարադատության նախարար Արտակ Զեյնալյանը։
Ապրիլի 18–ին Հայաստանի վարչապետ Նիկոլ Փաշինյանը բարձրացրեց ՔԿՀ–ներում արտոնյալ անձանց առկայության և ազատազրկման վայրերի գերբեռնվածության հարցը։ Նա զարմացավ, որ «ՔԿՀ–ներում կան կալանավորներ, որոնց ծանրոցները չեն ստուգվում», իսկ այդ հաստատության պետն այդ դեպքում շարունակում է զբաղեցնել իր պաշտոնը։
«Բոլոր բանտախցերը մանրամասն ստուգվում են, և ՔԿՀ–ներում այլևս արտոնյալ կալանավորներ չկան։ Այդ արտոնությունների դարաշրջանն ավարտվել է մեր` իշխանության գալուն զուգընթաց»,– լրագրողներին ասաց Զեյնալյանը։
Նախարարի խոսքով, ՔԿՀ–ներում ամբողջովին արգելվել են ցանկացած մոլախաղեր գումարով, սակայն պարտքերի դիմաց խաղերի ամբողջական վերահսկողություն հնարավորություն չկա։
«Ես բազմիցս ասել եմ, որ խցերում թույալտրվում է խաղալ օրինական, չարգելված խաղեր, օրինակ, շաշկի, շախմատ։ Չեմ բացառում, որ կալանավորները կարող են այդ խաղերը պարտքերի համար էլ խաղալ։ Այդ երևույթը վերացնելու համար մեզ պետք է ազատվել «օբշչակ» հասկացությունից և խուսափել դրսից որևէ ազդեցությունից»,– ասաց նա։
Զեյնալյանը նշեց, որ ցավոտ թեմա է շարունակում մնալ անօրինական առարկաների և հեխառոսների անցկացումը։ Նրա խոսքով, արգելված առարկաները ՔԿՀ–ներում են հայտնվում հիմնականում ստուգող հնացած տեխնիկայի պատճառով։
«Այո, գտնում ենք արգելված առարկաներ, այդ թվում` հեռախոսներ, փորձում ենք բացառել դրանք անցկացնելու հնարավորությունը։ Սակայն դա կատարվում է, այդ թվում այն պատճառով, որ ՔԿՀ–ում ստուգման տեխնիկան հնացել է կամ չի աշխատում, իսկ աշխատողների ցածր աշխատավարձերն ինքնին կոռուպցիոն ռիսկ են պարունակում։ Մեր կարծիքով, միակ տարբերակը «խլացուցիչներ» տեղադրելն է»,– ասաց նա։
Նախարարը նշեց, որ օրենքը կալանավորներին չի արգելում միմյանց ինչ–որ բան փոխանցել, ընդգծելով, որ արգելքը տարածվում է միայն հիմնարկների աշխատակիցների մասնակցությամբ առարկաների փոխանցման վրա։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում