ԵՐԵՎԱՆ, 2 հունիսի. /Նովոստի-Արմենիա/. «ԳեոՊրոՄայնինգ գոլդ» ընկերությունը երեխաների պաշտպանության միջազգային օրվան նվիրված մի շարք միջոցառումներ կազմակերպեց, հայտնում է ընկերության մամուլի ծառայությունը:
Միջոցառմանը մասնակցելու համար հատուկ Հայաստան է ժամանել «ԳեոՊրոՄայնինգ» ընկերությունների խմբի նախագահ Ռոման Խուդոլին։
Տոնական միջոցառումների շրջանակում ընկերությունը անցկացրեց Արարատ քաղաքի մանկապարտեզի երկու նոր մասնաշենքի բացման արարողությունը, որոք վերանորոգվել են ընկերության միջոցներով և այնուհետև կահավորվել հարմարավետ, գեղեցիկ մանկական կահույքով։
Ինչպես նշվում է հաղորդման մեջ, Վարդենիս և Արարատ քաղաքներում, որտեղ «ԳեոՊրոՄայնինգն» իրականացնում է իր գործունեությունը, երեխաների համար կազմակերպվեցին ուրախ և գեղեցիկ միջոցառումներ, որոնց ընթացքում անցկացվեցին մրցույթներ ու խաղեր, բոլոր մասնակիցները ստացան նվերներ։
Համերգային ծրագրի ընթացքում երեխաներին այցելեցին ծաղրածուներ, երեխաների կողմից սիրված մուլտֆիլմերի հերոսներ, ինչպես նաև ելույթ ունեցան հայկական էստրադայի երիտասարդ աստղերը։
Առանձին մանկական ծրագիր և ֆինանսական օգնություն էր կազմակերպվել նաև սահմանափակ հնարավորություններ ունեցող երեխաների համար, ոնոնք ընկերության առանձնակի ուշադրության կենտրոնում են գտնվում արդեն 11 տարի։
«Աճող սերնդի զարգացմանը ուղղված սոցիալական ծրագրերը մեր ընկերության սոցիալան քաղաքականության առանցքային մասն են կազմում։ Պարզ ծրագրերը, որոնք մեզնից շատ ուժ ու ժամանակ չեն խլում, կարող են օգնել փոխելու հարյուրավոր երեխաների կյանքը, նրանց նվիրելու ապագայի հույսեր։ Ընկերությունը առանձնահատուկ ուշադրություն է դարձնում հաշմանդամ երեխաներին աջակցության ծրագրին։ Քչերը կարող են ամբողջությամբ պատկերացնել հոգեբանական, սոցիալական, նյութական խնդիրների այն ամբողջ ծավալը, որոնց հետ ամեն օր բախվում են հաշմանդամ երեխաները և նրանց ծնողները։ Մենք մեր ուժերի սահմաններում օգնում ենք, որպեսզի այդ երեխաների կյանքը ավելի հեշտ ու հարմարավետ դառնա …», - ասաց ընկերության նախագահ Ռոման Խուդոլին։
Загружается новость ...
"Право"
Դեռ 2012 թվականից «ԳեոՊրոՄայնինգը» Հայաստանում սկսեց իրականացնել հայ ուսանողների՝ Հայաստանի ու Ռուսաստանի բուհերում հանքարդյունաբերական մասնագիտությունների ուսման ծրագիրը։ Ուսումն ավարտելուց հետո «ԳեոՊրոՄայնինգը» երիտասարդ մասնագետներին աշխատանքի է տեղավորում Հայաստանյան իր ձեռնարկություններում։ Ծրագրի առաջին հինգ մասնակիցներն արդեն ավարտեցին Սանկտ Պետերբուրգի պետական լեռնագործության ինստիտուտը և Երևանի պետական համալսարանը։ Ծրագրի շրջանակում ԲՈՒՀ-երում ուսանելու ընթացքում «ԳեոՊրոՄայնինգը» ապահովում է ուսանողների ապրուստը, ավիափոխադրումների ծախսերը, բժշկական ապահովագրությունը և տրամադրում նրանց ամսական թոշակները։
Երեխաների պաշտպանության օրվա միջոցառումների շրջանակում ընկերության ղեկավարությունը պայմանագրեր կնքեց Արարատ քաղաքի և Արարատ գյուղի դիմորդների հետ՝ նրանց ուսումը Սանկտ Պետերբուրգի լեռնագործական ինստիտուտում անցկացնելու վերաբերյալ։ Լեռնագործական ֆակուլտետ ընդունված ուսանողները սեպտեմբերին արդեն կմեկնեն Սանկտ Պետերբուրգ։
«Բարձր որակավորում ունեցող աշխատողների ընտրությունը ընկերության հաջողության առանցքային ռազմավարություններից մեկն է։ Որպես երկարաժամկետ պատասխանատու ներդրող՝ «ԳեոՊրոՄայնինգը» մեծ ուշադրություն է հատկացնում աշխատողների ընտրությանը։ Մենք շահագրգռված ենք, որպեսզի ունենանք պրոֆեսիանալ և նվիրված աշխատողներ և մեծ խանդավառությամբ ենք զարգացնում ուսանողների կրթական ծրագիրը, որովհետև համոզված ենք, որ այդ նախաձեռնությամբ կլուծենք ընկերությունը որակյալ կադրերով ապահովելու խնդիրը։ Ծրագիրը երկրի մասշտաբով կնպաստի նաև, որպեսզի ՀՀ ռեգիոններում աշխատանքի տեղավորման նոր հեռանկարներ ստանալով՝ աշխատունակ բնակչութունը դադարեցնի երկրից հեռանալու գործընթացը» - ասաց ԳՊՄ նախագահ Ռոման Խուդոլին։
«ԳեոՊրոՄայնինգ» ընկերությունների խումբը մետաղների դիվերսիֆիկացված բազա ունեցող դինամիկ զարգացող միջազգային մասնավոր ընկերություն է: ։ Հայաստանում «ԳեոՊրոՄայնինգին» են պատկանում երկու ձեռնարկություն՝ Ագարակի պղնձա-մոլիբդենային կոմբինատը և «ԳեոՊրոՄայնինգ» ընկերությունը։ «ԳեոՊրոՄայնինգ գոլդը» շահագործում է Սոթքի ոսկու հանքը և Արարատի ոսկու կորզման ֆաբրիկան։
Հայկական շուկա մտնելու պահից ի վեր «ԳեոՊրոՄայնինգը» սոցիալական ոլորտի զարգացման համար ներդրել է 8 մլն․դոլար:-0-