Գարուն–ամառ 2016. հայ դիզայների խորհուրդները

ԵՐԵՎԱՆ, 11 մարտի. /Նովոստի–Արմենիա/. Հայտնի հայ դիզայներ Արամ Նիկոլյանը «Նովոստի–Արմենիա» գործակալությանը ներկայացրել է որոշ տեղեկություններ այն մասին, թե որ գույներն են նորաձև 2016 թվականի գարնանը–ամռանը, ինչպես նաև ներկայացրել է must have հագուստի պարագաներ, առանց որոնց հնարավոր չէ պատկերացնել նորաձևությանը հետևող հայ աղջիկներին։

«Գարուն–ամառ 2016–ին նորաձև են գունամատիտային երանգներն ու սպիտակ գույնը։ Թրենդային է սևը։ Իսկ նորաձևության վերջին ճիչը կրկին գունամատիտային երանգների լղոզված ծաղկային զարդանկարներն են»,– ասաց Նիկոլյանը։

Նորաձևությանը հետևող յուրաքանչյուր աղջկա զգեստապահարանում այս տարի պետք է լինի oversized (մեծ չափի) հագուստ, վերնաշապիկ–զգեստ և մարզակոշիկներ։

Դիզայները «Նովոստի–Արմենիա» գործակալությանը հայտնեց նաև, որ այս պահին աշխատում է աշուն–ձմեռ հավաքածուի վրա, որը նույնպես սև–սպիտակ գունային լուծումներ ունի։ -0-