ԵՐԵՎԱՆ, 11 օգոստոսի. /Նովոստի-Արմենիա/. ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը Facebook-ում գրել է առաջիկա օրերի եղանակային փոփոխությունների մասին։
«Այսօր Սև ծովի շրջաններից հանրապետության տարածք նկատվում է սառը օդի ներհոսք, ինչի պատճառով օդի ջերմաստիճանը հանրապետության ամենաշոգ վայրերում ցերեկը չի բարձրանա +36 աստիճանից, առանձին շրջաններում կեսօրից հետո սպասվում են ամպրոպային բնույթի կարճատև անձրևներ»,– հայտնել է Սուրենյանը։
Օդերևութաբանի կանխատեսմամբ, օգոստոսի 12-14-ին այդ սառը հոսանքները կնահանջեն և օդի ջերմաստիճանը կրկին կբարձրանա 3-4 աստիճանով, Արարատյան դաշտում, Սյունիքի հովիտներում և Երևանում հասնելով +38…+39 աստիճանի, այդ օրերին Հայաստանի ողջ տարածքում տեղումներ չեն լինի:
Միաժամանակ, օգոստոսի 15-ի երեկոյան ժամերից սկսած Հայաստանը կգտնվի սևծովյան ցիկլոնի ազդեցության գոտում:
«Օգոստոսի 15-ին երեկոյան հատկապես հյուսիսային շրջաններում , 16-ին կրկին երեկոյան բոլոր շրջաններում սպասվում է անձրև և ամպրոպ: Օգոստոսի 15-16-ին օդի ջերմաստիճանը կնվազի 5-6 աստիճանով և արդեն ամենաշոգ վայրերում, մասնավորապես Արարատյան դաշտում և Երևանում ցերեկը հասնելով +32…+33 աստիճանի, որը կլինի կլիմայական նորմայի սահմաններում»,– ասվում է Սուրենյանի գրառման մեջ։
Загружается новость ...
"Право"
Միաժամանակ, օգոստոսի 11-15-ը Արարատյան դաշտավայրում և Սյունիքի ցածրադիր հատվածներում ցերեկային ժամերին կանխատեսվում է 38-39 աստիճան տաքություն և հրդեհավտանգ բարձր մակարդակ:
Այդ օրերին ցերեկային միջին ջերմաստիճանը 4-5 աստիճանով բարձր կլինի նորմայից:
Միաժամանակ, ուլտրամանուշակագույն ճառագայթման ինդեքսը հանրապետությունում օգոստոսի 11-ին կկազմի 7, ժամը 11:00-ից 15:00 խորհուրդ է տրվում խուսափել արևի ուղիղ ճառագայթներից: -0-
