ԵՐԵՎԱՆ, 4 հուլիսի./Նովոստի–Արմենիա/. «Նովոստի–Արմենիա» գործակալությունը ներկայացնում է չորեքշաբթի` հուլիսի 3–ի առավել ուշագրավ նորությունների իր տարբերակը
- Քրիստինե Գրիգորյանը նշանակվել է արդարադատության նախարարի տեղակալ: Համապատասխան որոշումը չորեքշաբթի ստորագրել է ՀՀ վարչապետ Նիկոլ Փաշինյանը:
- Երևանի կենտրոնում նախատեսված է երթևեկության կազմակերպման փոփոխություն։ Ինչպես հաղորդում է Ճանապարհային ոստիկանությունը, ճանապարհային երթևեկության բարելավման նպատակով Երևան քաղաքի Մ. Խորենացու, Վ. Սարգսյանի, Բեյրութի և Իտալիայի փողոցների խաչմերուկում (Ստ. Շահումյանի անվ. հրապարակ) 2019թ. հուլիսի 4-ից կկատարվի երթևեկության կազմակերպման փոփոխություն, որի արդյունքում նշված խաչմերուկում երթևեկությունը այսուհետ կիրականացվի կից ներկայացված սխեմայի համաձայն:
Ինչպես հաղորդում է ՀՀ ոստիկանության մամուլի ծառայությունը, հուլիսի 2-ին, ժամը 4.15-ին, Մարտունու հիվանդանոցից հաղորդում է ստացվել, որ «սուր էկզոգեն թունավորում» ախտորոշմամբ իրենց մոտ է տեղափոխվել նույն ընտանիքի հինգ անդամ:
«Մեկնած օպերատիվ խումբը պարզել է, որ նրանք թունավորվել են տանը՝ շամպինիոն տեսակի սունկ ուտելու հետևանքով», – նշվում է գերատեսչության հաղորդագրության մեջ:
Պահանջվող գումարի չափն է 24702187.6 ՀՀ դրամ
-
Ֆրանսիան պետք է հետևողական լինի Ադրբեջանին զենքի վաճառքի էմբարգոն պահպանելու հարցում, չորեքշաբթի ճեպազրույցում հայտնեց ԱԳՆ մամուլի քարտուղար Աննա Նաղդալյանը:Նա նշեց, որ դեռևս փետրվարի 5-ին Ֆրանսիայի հայկական կոմիտեի կազմակերպած միջոցառմանը Ֆրանսիայի նախագահ Էմանյուել Մակրոնն ասել է, որ, ի տարբերություն այլ երկրների, Ֆրանսիան միակ երկիրն է, որը խստորեն պահպանում է էմբարգոյի իր պարտավորությունները և երբեք չի վաճառի Ադրբեջանին զենք, որը կարող է օգտագործվել Արցախում: -0-