ԵՐԵՎԱՆ, 23 մայիսի./Նովոստի–Արմենիա/. Հայաստանի վարչապետ Նիկոլ Փաշինյանը չորեքշաբթի պատասխանեց այն մեղադրանքին, թե «Սասնա ծռեր» խմբի անդամների նկատմամբ իր գործողությունները չեն համապատասխանում իր վաղ հայտարարություններին։
«Սասնա ծռեր»–ի համակարգող Ժիրայր Սեֆիլյանը Հայաստանի վարչապետ բաց նամակ է ուղղել, ասելով, թե թավշյա հեղափոխությունից հետո Փաշինյանը «լվացել է ձեռքերը» և թողել է որոշումների կայացումը «հանցավոր դատախազներին և դատավորներին»։ Նրանք նաև մեղադրել են Փաշինյանին, որ նա կոնկրետ քայլեր չի ձեռնարկում նրանց խնդիրները լուծելու համար։
«Քաղբանտարկյալների ազատման գործընթացն արդեն սկսված է և կշարունակվի։ Բայց ուզում եմ հստակ արձանագրել, որ չի կարելի ժողովրդի հետ խոսել սպառնալիքների կամ սպառնալիքի ակնարկի լեզվով»,– ասաց Փաշինյանը։
Загружается новость ... "Лево"
Վարչապետը հույս հայտնեց, որ քաղաքական իրավիճակի փոփոխությունները պետք է արտացոլվեն բոլորի վարքում, որ «սիրո և համերաշխության հեղափոխության» մթնոլորտը պահպանվի։
Իսկ ինչ վերաբերում է «ձեռքերը լվացել է» արտահայտությանը, ապա Փաշինյանն ասաց, որ եթե խոսքը գնում է այն մասին, որ ինքը չի պատրաստվում հրահանգներ տալ դատավորներին, ապա նա հաստատում է իր այդ դիրքորոշումը։
Ըստ նրա, եթե դատավորներին հրահանգ տալը կնշանակեր սկսել «սերժսարգսյանացման գործընթաց», ինչի մեջ ինքն իրեն չի մտցնի։
«Եթե մենք գոնե մեկ հրահանգ տանք, ապա դատարանն այլևս չի աշխատի առանց մեր հրահանգի։ Իսկ մենք կարևորում ենք ազատ դատական համակարգի կայացումը Հայաստանի Հանրապետությունում»,– ասաց Փաշինյանը։ -0-
