Beeline-ը խաղարկում է 2500 մրցանակ բրենդային սմարթֆոնների և պլանշետների գնորդների համար

ԵՐԵՎԱՆ, 1 սեպտեմբերի. /Նովոստի–Արմենիա/. Beeline ընկերությունը, նոր ուսումնական տարվան ընդառաջ, հայտարարում է «Սմարթ» խաղարկության անցկացման մասին բրենդային սմարթֆոնների և պլանշետների գնորդների համար:

Ինչպես հաղորդեցին ընկերության մամուլի ծառայությունից, խաղարկությանը մասնակցելու համար անհրաժեշտ է սեպտեմբերի 1-ից մինչև 10-ը ներառյալ Beeline վաճառքի և սպասարկման ցանկացած գրասենյակից ձեռք բերել Beeline Smart 7, Beeline Smart Pro, Beeline Fast մոդելի սմարթֆոն կամ Beeline Tab Pro պլանշետ հատուկ առաջարկների շրջանակներում՝ միանալով «Սմարթ հատուկ» սակագնային փաթեթին՝ սմարթֆոն ձեռք բերելու դեպքում կամ «Infinity 512»/«Infinity 1024» սակագնային փաթեթին՝ պլանշետ ձեռք բերելու դեպքում:

Մասնակիցները տեղում վերցնում են կտրոն և շահում խաղարկվող 2500 մրցանակներից մեկը. Beeline սմարթֆոններ և պլանշետներ, բրենդավորված հուշանվերներ, «Բրոնզե» գեղեցիկ համարներ և լիցքավորման քարտեր:

«Beeline Հայաստանի և անձամբ իմ անունից շնորհավորում եմ բոլորին Գիտելիքի օրվա կապակցությամբ։ Նոր ուսումնական տարվա մեկնարկին զուգահեռ Beeline-ը հաճախորդներին հաճելի անակնկալ է մատուցում` առաջարկելով սկսել այն նոր սմարթֆոնով և շահումով: «Սմարթ» խաղարկության շրջանակներում հաճախորդները, ձեռք բերելով հատուկ առաջարկներով մեր բրենդային սմարթֆոնները կամ պլանշետները, հնարավորություն կստանան շահելու խաղարկվող մրցանակներից մեկը: Սա, իհարկե, կրկնակի շահում է` հաշվի առնելով Beeline բրենդային սմարթֆոնների և պլանշետների մատչելի գինը և օգտագործողների մեծ մասի պահանջներին համապատասխանող բնութագրիչները: Բացի այդ, սակագնային փաթեթները հնարավորություն են տալիս օգտվել Beeline-ի պարզ և հարմար ծառայությունների ամենալայն շրջանակից», - նշել է Հայաստանում Beeline-ի գլխավոր տնօրեն Անդրեյ Պյատախինը։

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ -0-