ԵՐԵՎԱՆ, 1 հունիսի. /Նովոստի-Արմենիա/. Հայաստանում երեխաների խնամքի կենտրոններում գրանցված են շուրջ 3,5 հազար երեխա, ասաց ՀՀ աշխատանքի և սոցիալական ապահովության հարցերի փոխնախարար Աշոտ Մարգարյանը:
«Այս ցուցանիշն աստիճանաբար կրճատվել է, և միտումը կշարունակվի, քանի որ մենք ջանքներ ենք գործադրում խմանատար ընտանիքների դերի բարձրացման ուղղությամբ, այսինքն, մենք հիմա ավելի շատ ուշադրություն ենք դարձնում նրան, որ երեխաներին հնարավորություն տանք ապրելու ընտանիքներում»,- հինգշաբթի ասուլիսի ընթացքում ասաց Մարգարյանը:
Նա հավելեց, որ Հայաստանում այսօր 21 խնամատար ընտանիք կա, որոնցում բնակվում է 25 երեխա:
ՅՈՒՆԻՍԵՖ-ի երևանյան գրասենյակի ղեկավար Տանյա Ռադոչայն իր հերթին ներկայացրեց կազմակերպության վերջին հետազոտության արդյունքները, որոնք հրապարակվել են հինգշաբթի «Child Abuse & Neglect» միջազգային ամսագրում: Հետազոտությունն անցկացվել է 140 երկրում, այդ թվում Հայաստանում: Ըստ այդմ` այսօր ավելի քան 2,7 մլն երեխա բնակվում երեխաների համար հիմնված խնամքի կենտրոններում:
Նրա խոսքով, ամենաբարձր ցուցանիշն արձանագրվել է Կենտրոնական և Արևելյան Եվրոպայի երկրներում և Կենտրոնական Ասիայում, որի մեջ է մտնում նաև Հայաստանը:
Загружается новость ...
"Право"
«Այդ տարածաշրջանում յուրաքանչյուր 100 հազար երեխայից 666-ը բնակվում է երեխաների համար հիմնված խնամքի կենտրոններում, այսինքն, այդ տարածաշրջանում այս ցուցանիշը 5 անգամ բարձր է»,- ասաց նա, հավելելով, որ ԱՊՀ բազմաթիվ երկրներում հասարակությունը հակված է մտածելու, որ պետությունը կարող է ավելի լավ հոգ տանել երեխաների մասին: Ռադոչայը հավելեց, որ ինստիտուցիոնալ խնամք ստացող երեխաների քանակը ողջ աշխարհում կրճատվում է: Կրճատման ամենաբարձր տեմպը նկատվում է նաև Կենտրոնական և Արևելյան Եվրոպայի ու Կենտրոնական Ասիայի երկրներում: Նախևառաջ, դրան նպաստում է խնամատար ընտանքիների դերի բարձրացումը:
Ռադոչայի խոսքերով, ինստիտուցիոնալ խնամքը հատկապես վնասակար է մինչև 3 տարեկան երեխաների համար, քանի որ երեխաներն այդ շրջանում առավել խոցելի են, անհատական մոտեցման և դաստիարակության կարիք ունեն: Նա հավելեց, որ ինստիտուսիոնալ խնամքն ազդեցություն է ունենում նրանց ողջ հետագա կյանքի վրա, քանի որ նրանք մեծանում են ցածր ինքնագնահատականով և կորցնում աշխարհի նկատմամբ վստահությունը:
Պաշտոնական տեղեկատվության համաձայն, Հայաստանի 6 մանկատներում բնակվում է 633 երեխա, որոնցից 450-ը հաշմանդամություն ունեցող երեխաներ են, ովքեր հատուկ խնամքի կարիք ունեն: Խնամքի երեկոյան 6 կենտրոններում բնակվում է 541 երեխա, իսկ 2047-ը` հատուկ դպրոցներում: -0-
