ԵՐԵՎԱՆ, 21 նոյեմբերի. /Նովոստի-Արմենիա/. Հայաստանում քննարկվում է արևմտահայերենն ուսումնական ծրագրում ներառելու հարցը, երկուշաբթի հայտնեց Սփյուռքի փոխնախարար Սերժ Սրապիոնյանը:
«Արևմտահայերենն այսօր վտանգի տակ է, և ոչ միայն հայ համայնքներում, որտեղ բնակվում են այդ լեզվի կրողները, այլ նաև Հայաստանում: Այն փաստը, որ արևմտահայերենը ներառվել է վտանգի տակ գտնվող լեզուների ցանկում, մեզ համար ահազանգ է, որ մենք փորձենք պահպանել այն», - նշեց Սրապիոնյանը:
Նա նշեց, որ այսօր դրա համար կառավարությունն անում է հնարավոր ամեն ինչ:
«Առաջարկվել է արևմտահայերենը Հայաստանի ուսումնական ծրագրում ներառելը: Մենք փորձում ենք պետական մակարդակով լուծել այս խնդիրը: Բացի այդ, գոյություն ունի արևմտահայերենի դասագրքերի ստեղծման ծրագիր, որն արդեն իրականացվում է», - ընդգծեց Սրապիոնյանը:
Նա նաև նշեց, որ այսօր ԵՊՀ-ի մագիստրատուրայում գործում է արևմտահայերենի փոքր խումբ, ինչը ևս դրական գործոն է: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
