Ամոթ ա, ֆեյքերով երկիր չես կառավարի. Ձեր հեղափոխության վերջը եկել է. Ծառուկյան (ՎԻԴԵՈ)

13:53

16 Հունիսի 2020

ԵՐԵՎԱՆ, 16 հունիսի./Նովոստի-Արմենիա/. Այսօր ԱԺ-ում իր ելույթի ժամանակ ԲՀԿ առաջնորդ Գագիկ Ծառուկյանն անդրադարձել է ՀՀ-ում իրեն հուզող հարցին՝ ևս մեկ անգամ վերահստատելով, որ այսօր հանրությունն իր կողմին է:

Загружается новость ... "Лево"

«Հարց չկա, էսօր հանրությունը Ծառուկյանի կողքին ա: Ամբողջ ներքին զորքերը դրել ուղարկել եք , մարզերը փակելով, մարդկանց պառկացնելով, փռելով: Բա իշխանության գալուց ասում էիք՝ անկախություն, ազատություն, իշխանությունը ժողովուրդն ա: Ձեր այն ժամանակը 88 տոկոս կար, էսօր 7 տոկոս էլ չկա, գնացեք մարզերը, ժողովրդի հետ քննարկեք: Սպառված ա»,- հայտնել է նա:

Նա նշել է, որ բոլոր ոլորտները ձախողված են, համապատասխան մասնագետներ չկան:

«Համաճարակը ձախողված է: Այսքան ժամանակ քայլ կատարե՞լ եք, մարզկենտրոններում հիվանդանոց բացե՞լ եք: Դրել եք մարտից քարոզարշավ եք անում, ասում եք՝ էդ ի՞նչ ա, որ վարակը: Պինցետով հանենք, օղի խմենք: Կամ ասում են՝ Ծառուկյանը չի տիրապետում միջազգային անցուդարձին: Տո Ծառուկյանը էնքան ա տիրապետում, ձեր ցավը տանեմ, որ բերիք սաղ վարակեցիք, սաղ լցրեցիք, էսօր ասում եք՝ մասկա դրեք, տուգանեք վարորդին: Տենց չի կարող լինել»,- նշել է Ծառուկյանը:

«Ես կարող եմ ձեն չհանեմ, ինձ համար հանգիստ ապրեմ, բայց սիրտս տրաքում ա: Ասում ա՝ վարկի հիմնական պատճառը ժողովուրդն է, որ մասկա չի դնում: Դուք եք ձախողել, ձեր երեխաներն ու ծնողներն են հիվանդանում»,- հայտնել է նա իր ելույթում:

«Ասում ա՝ ով Ծառուկյանին դեմ չքվեարկի, ուրեմն դա մեր հեղափոխության վերջն է լինելու: Ձեր հեղափոխության վերջը եկել է: Հեղափոխությունը գործով պետք է ապացուցվի: Ֆեյքերով, դատարակ-դատարկ խոսալով չի լինում»,- նշել է Ծառուկյանը:

Մանրամասները՝ տեսանյութում:

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Գագիկ Ծառուկյան #ելույթ #ԱԺ

Թեմատիկ նյութեր