ԵՐԵՎԱՆ, 16 մարտի. /Նովոստի-Արմենիա/. Associated Television International հեռուստաարտադրող ընկերության նախագահ Դևիդ Մաքքենզին կօգնի Հայաստանին տեսահոլովակներ նկարահանել երկրի տուրիստական ներուժի մասին: Այդ մասին նա հայտարարել է Երևանում` «Տուրիզմ և կինոարդյունաբերություն. համագործակցության հեռանկարները» համաժողովի ժամանակ:
Նա նաև Հայոց ցեղասպանության մասին պատմող «Ժխտման ճարտարապետները» ֆիլմի պրոդյուսերն է, որը ներկայացնում է հայերի պատմությունը մինչև մեր օրերը` ներկայացնելով նաև Արցախի հայերին, որոնք բախվում են ցեղասպանության նոր սպառնալիքի հետ։
Արմատների կանչ
Պրոդյուսեր, ռեժիսոր, սցենարիստ Դեվիդ Մաքքենզի, որը զբաղվում է մեդիա ալիքների ձեռքբերմամբ և մեդիամարկետինգով ԱՄՆ-ում և ամբողջ աշխարհում` տուրիզմի զարգացման համար, հայտնել է իր հայկական արմատների մասին, ինչպես նաև պատրաստակամություն է հայտնել օգնել երկրին զբոսաշրջության ներուժի խթանման գործում:
Ավստրալիան և Նոր Զելանդիան 70–ականների սկզբին 80–ականների վերջին հրավիրել են Մաքքենզիին զբոսաշրջության զարգացման համար: Մի քանի տարի շարունակ ընկերությունը ներկայացնում էր զբոսաշրջության զարգացման ծրագիր` մեկ տոմս երեք երկիր սկզբունքով` Ֆիջի, Ավստրալիա և Նոր Զելանդիա, ինչը երկրները ճանաչելի է դարձրեց:
«Ամերիկացիները գիտեն միայն մեկ երկրի` Ամերիկայի մասին, սակայն ոչ բոլոր նրա նահանգների մասին և, հետևաբար, մեր հիմնական առաքելությունը կլինի ներկայացնել Հայաստանը և այն այցելելու պատճառները», - ասաց Մաքքենզին:
Загружается новость ... "Лево"
Նա նշեց, որ Հաայստան այցելելու առաջին ցանկությունը նրա մոտ հայտնվել է հայազգի հոր պատմություններից հետո, ով ներկայացրել է որդուն հայկական մշակույթը, Հայաստանի պատմությունը և խոհանոցը:
«2015 թ.-ին ես ոչ մի պատճառ չունեի Հայաստան այցելելու համար` բացառությամբ իմ հայկական արմատների, բազմաթիվ մարդիկ փորձել են համոզել ինձ չայցելել այս երկիր», - պատմեց նա:
Սակայն նա այնուամեյնանիվ այցելեց Հայաստան և արդեն գալիս է այստեղ 10-րդ անգամ:
Ներդրում տնտեսության մեջ
Ինչպես նշեց Մաքքենզին, ներկա պահին իր հիմնական խնդիրը նա համարում է աջակցոււթյունը հայկական տնտեսությանը և զբոսաշրջային ոլորտին`համագործակցելով ՀՀ կառավարության հետ։
Գործարարը պատրաստ է ներդնել 3,5 մլն դոլար Հայաստանի մասին բարձր որակի տեսահոլովակներ նկարահանելու համար և անհատույց տրամադրել դրանք տուրիստական օպերատորներին, տուր գործակալություններին, հյուրանոցներին և բոլոր շահագրգիռ անձանց՝ միջազգային զբոսաշրջային շուկայում ևառաջին հերթին ԱՄՆ-ում և Կանադայում Հայաստանն ավելի արժանապատիվ ներկայացնելու համար:
«Նախատեսում ենք լիամետրաժ ֆիլմեր նկարահանել և նկարահանումների մեջ ներգրավել բոլոր մարզերն և տեսարժան վայրերը: Մենք բաց ենք համագործակցության համար և եթե որևէ մեկն ունի նյութեր կամ գաղափարներ, մարզերի մասին հետաքրքիր պատմություններ, ապա մենք 3 ամիսների ընթացքում պատրաստ ենք անվճար նկարահանել և մոնտաժել տեսահոլովակները՝ երկրի առաջխաղացման համար մարկետինգային տեսանյութ ունենալու համար», - ասաց Մաքքենզին:
Բացի Հայաստանի մասին պատմող տեսանյութերից, գործարարը պատրաստ է նկարահանել և ներկայացնել Հայաստանի մասին պատմող տուրիստական հաղորդումների շարք, իր հաշվին ԱՄՆ-ում տեղադրել գովազդային վահանակներ, որոնք կգովազդեն Հայաստանը:
«Անհրաժեշտ է հասկանալ, որ Հայաստանի մասին պետք է իմանան ոչ միայն հայերը, անհրաժեշտ է ներկայացնել երկիրն ամենուր», - ասաց նա:
Մաքքենզին նաև պատրաստակամություն հայտնեց օժանդակել և Հայաստան հրավիրել տուրիստական հաղորդումների հայտնի հեղինակներին, որպեսզի նրանք ևս ֆիլմեր նկարահանեն երկրի մասին:
«Մենք պատրաստ ենք նաև օգնել ստեղծել ինտերնետային կայքեր, որտեղ կհրապարակվեն Հայաստանի մասին պատմող լուսանկարներ և տեսանյութեր: Մենք սերտորեն կհամագործակցենք ՀՀ կառավարության հետ՝ լավ ծրագրերի ստեղծման և զբոսաշրջիկներ գրավելու համար», - ասաց Մաքքենզին:-0-