ԱԺ կազմը համալրվել է երկու պատգամավորով

ԵՐԵՎԱՆ, 8 դեկտեմբերի./Նովոստի-Արմենիա/. ՀՀ ԱԺ-ում ավելացել է երկու պատգամավոր՝ «Իմ քայլը» խմբակցությունից հեռացած երկու պատգամավորների փոխարեն:

Ինչպես երեքշաբթի ԱԺ քառօրյայի նիստի ժամանակ հայտնել է ԱԺ փոխխոսնակ Լենա Նազարյանը, ԿԸՀ-ն ներկայացրել է ԱԺ պատգամավոր ընտրված և լիազորությունները վաղաժամկետ դադարած պատգամավորներ Գայանե Աբրահամյանի և Վարազդատ Կարապետյանի մանդատները հաջորդ թեկնածուներին տրամադրելու մասին արձանագրությունները:

Եվ այսպիսով, մանդատները տրվում ենք «Իմ քայլը» կուսակցությունների դաշինքի պատգամավորներ Հայկ Ծիրունյանին և Նարեկ Գրիգորյանին:

Հիշեցնենք, որ ԱԺ պատգամավոր Գայանե Աբրահամյանը նոյեմբերի 16-ին վերջնականորեն հայտնել է, որ հրաժարվում է մանդատից: Մինչ այն նա նման հայտարարությամբ հանդես էր եկել սեպտեմբերի 25-ին: Իսկ «Իմ քայլը» իշխող խմբակցության մյուս պատգամավոր Վարազդատ Կարապետյանը հայտնել է մանդատից հրաժարվելու մասին հոկտեմվերի 25-ին, քանի որ դեկտեմբերի 4-ից նա ստանձնելու էր Չինաստանում Հայաստանի առևտրային ներկայացուցչի պարտականությունները: -0-