ԶԼՄ–ները հայտնում են նախագահի պաշտոնում ՔՊ–ական թեկնածուի անունը

ԵՐԵՎԱՆ, 26 հունվարի./Նովոստի–Արմենիա/. ՀՀ ԿԳՄՍ նախկին նախարար, վարչապետի աշխատակազմի ղեկավար Արայիկ Հարությունյանը կդառնա ՀՀ նախագահի թեկնածու «Քաղաքացիական պայմանագիր» իշխող կուսակցությունից։


Այս մասին հաղորդում է «Նովոստի–Արմենիա»–ի Telegram–յան ալիքը։

Հիշեցնենք, որ հունվարի 23–ին ՀՀ նախագահ Արմեն Սարգսյանը հայտարարել է հրաժարականի մասին։ Որպես պատճառ նա նշել է համակարգային ներքին և արտաքին քաղաքական խնդիրների վրա ազդեցության գործիքների բացակայությունը։

ԱԺ կանոնակարգ օրենքի համաձայն՝ եթե հրաժարականի հրապարակումից հետո 1 շաբաթվա ընթացքում համապատասխան պաշտոնատար անձը (այս դեպքում Արմեն Սարգսյանը) գրավոր դիմումով հետ է վերցնում հրաժարականի իր դիմումը, ապա ԱԺ նախագահն այդ մասին հանդես է գալիս հայտարարությամբ: Իսկ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որը ստորագրում և հրապարակում է ԱԺ նախագահը:–0–