Երևանի դպրոցներից մեկում ուսուցիչը գրքով հարվածում է աշակերտին, ԿԳՄՍՆ–ն պարզաբանում է (ՎԻԴԵՈ)
16:06
05 Մայիսի 2022
ԵՐԵՎԱՆ, 5 մայիսի./Նովոստի–Արմենիա/. ԿԳՄՍ նախարարությունը պարզաբանում է Երևանի Սպանդարյանի անվան թիվ 24 դպրոցում տեղի ունեցած միջադեպը։
Նշենք, որ համացանցում տեսանյութ է տարածվել, որում երևում է ուսուցիչը գրքով հարվածում է աշակերտին։
«Այսօր համացանցում տեսանյութ է տարածվել, որտեղ ուսուցչուհին դասապրոցեսի ընթացքում գրքով հարվածում է աշակերտին, ինչն անընդունելի է և հարիր չէ մանկավարժական գործունեությանը», – նշել են նախարարությունից:
Գերատեսչությունից նաև տեղեկացնում են, որ միջադեպը տեղի է ունեցել Երևանի Սուրեն Սպանդարյանի անվան թիվ 24 դպրոցում (8-րդ դասարան, անգլերենի դասաժամ):
Երևանի քաղաքապետարանի ներկայացուցիչներն այժմ գտնվում են վերոնշյալ դպրոցում՝ դեպքի մանրամասներն ուսումնասիրելու նպատակով: Ուսումնասիրության արդյունքում կձեռնարկվեն համապատասխան քայլեր:
«ՀՀ ԿԳՄՍ նախարարությունը խստորեն դատապարտում է հակամանկավարժական դրսևորումներն ուսումնական գործընթացում և հետամուտ է լինելու ուսումնական հաստատություններում բռնությունից զերծ կրթական միջավայրի ձևավորմանը», – նշել են նախարարությունից:–0–
ABBYY–ի հիմնադիր և տնօրենների խորհրդի անդամ, ՏՏ ոլորտի փորձագետ Դավիթ Յանը կարծում է, որ Հայաստանն ունի բազմաթիվ հնարավորություններ դառնալու արհեստական բանականության հսկայական հեղափոխության մի մասը