ԵՐԵՎԱՆ, 27 հունվարի./Նովոստի–Արմենիա/. ՀՀ փոխոստիկանապետ Արա Ֆիդանյանն այսօր լրագրողներին մեկնաբանել է ՀՀ վարչապետ Նիկոլ Փաշինյանի դիվանագիտական անձնագրի կորստի հետ կապված իրավիճակը։
Загружается новость ... "Лево"
Օրերս
հայտնի է դարձել, որ Միջազգայնագետ, «Օրբելի» կենտրոնի նախկին փորձագետ, Ղազախստանի քաղաքացի Անդրանիկ Հովհաննիսյանը, ում արտաքսել են Հայաստանից, հայտարարել է, որ ադրբեջանցիներից պատվիրել ու գնել է ՀՀ վարչապետ Նիկոլ Փաշինյանի դիվանագիտական անձնագիրը։ Տեսանյութում Հովհաննիսյանը ցույց է տալիս դիվանագիտական անձնագիր, որի վրա երևում են ՀՀ վարչապետ Նիկոլ Փաշինյանի անունը, ազգանունն ու լուսանկարը։ Այս կապակցությամբ ՀՀ ԱԳՆ–ն հանդես է եկել մեկնաբանությամբ` նշելով, որ նոյեմբերի 10–ին կառավարություն ներխուժած անձինք հափշտակել են 14 դիվանագիտական անձնագրեր, այդ թվում` վարչապետի անձնագիրը։ Բոլոր անձնագրերը չեղարկվել են։
«Փաստի առթիվ (հարձակում վարչապետի առանձնատան վրա, խմբգր.) հարուցվել է քրեական գործ, և ես առաջարկում եմ քննություն իրականացնող մարմնին ներկայացնել գործի մանրամասները», – ասաց Ֆիդանյանը։
Հիշեցնենք, որ նոյեմբերի 9–ի լույս 10–ի գիշերը քաղաքացիները, որոնք դժգոհ էին Փաշինյանի կողմից Արցախի հարցով եռակողմ հայտարարության ստորագրումից, ներխուժել էին կառավարության շենք` պահանջելով, որպեսզի Փաշինյանը դուրս գա իրենց մոտ։ Առավոտյան Փաշինյանն իր Facebook–ում գրել էր, որ իր առանձնատնից գողացել են համակարգիչ, ժամացույց, օծանելիք, վարորդական իրավունք և զինգրքույկ, սակայն որևէ բան չէր ասել անձնագրի մասին։–0–