Իսկ որտե՞ղ է ստորագրությունը. սկանդալային տեսանյութի հեղինակը պարզաբանել է Փաշինյանի դիվանագիտական անձնագիրը «գողանալու» պաշտոնական վարկածը (ՖՈՏՈ)

Փաշինյանի դիվանագիտական անձնագրի հետ կապված պատմությունը

Միջազգայնագետ, «Օրբելի» կենտրոնի նախկին փորձագետ, Ղազախստանի քաղաքացի Անդրանիկ Հովհաննիսյանը, ում արտաքսել են Հայաստանից, հայտարարել է, որ ադրբեջանցիներից պատվիրել ու գնել է ՀՀ վարչապետ Նիկոլ Փաշինյանի դիվանագիտական անձնագիրը։

Նա հայտարարել է, որ Կենտրոնական Ասիայում այս պահին բնակվում է 8 էթնիկ հայալեզու ադրբեջանցի, ովքեր ունեն հայկական անձնագրեր։

Տեսանյութում Հովհաննիսյանը ցույց է տալիս դիվանագիտական անձնագիր, որի վրա երևում են ՀՀ վարչապետ Նիկոլ Փաշինյանի անունը, ազգանունն ու լուսանկարը։ 

Հովհաննիսյանի խոսքով, ադրբեջանցիները, կարծելով, թե նա չեչեն է, ալկոհոլի ազդեցության տակ, իրեն ասել են, որ ունեն հայկական անձնագրեր։ Նրանք պատմել են, որ «թավշյա» հեղափոխությունից հետո ստանում են տեղեկություններ Հայաստանի բարձրաստիճան պաշտոնյաներից, «իսկ անձնագրերի հարցում իրենց օգնում է ԱԱԾ ղեկավար Քյարամովը (հայերի համար` Քյարամյան)»։ Ադրբեջանցիները գումարի դիմաց խոստացել են 2–3 շաբաթում պատրաստել հայկական անձնագիր։ Հովհաննիսյանը նրանցից պատվիրել է վարչապետի դիվանագիտական անձնագիրը, որը բավականին մեծ գումար է արժեցել։ Այն օգնել են հավաքել Ղազախստանում բնակվող էթնիկ հայեր։ Արդյունքում 2020թ.–ի նոյեմբերի 7–ից այդ անձնագիրը գտնվում է նրա մոտ։ 

Ի՞նչ են ասում ԱԳՆ–ից

«Նոյեմբերի 10–ին կառավարություն ներխուժած անձինք հափշտակել են 14 դիվանագիտական անձնագրեր, այդ թվում` վարչապետի անձնագիրը։ Բոլոր անձնագրերը չեղարկվել են», – հայտարարեց ՀՀ ԱԳՆ մամուլի քարտուղար Աննա Նաղդալյանը «Նովոստի–Արմենիա» գործակալությանը։ 

Նոյեմբերի 9–ի լույս 10–ի գիշերը քաղաքացիները, որոնք դժգոհ էին Փաշինյանի կողմից Արցախի հարցով եռակողմ հայտարարության ստորագրումից, ներխուժել էին կառավարության շենք` պահանջելով, որպեսզի Փաշինյանը դուրս գա իրենց մոտ։

Նշենք, որ ԱԱԾ նախկին տնօրեն Արգիշտի Քյարամյանն ավելի վաղ հարցազրույցների ժամանակ հերքել է մեղադրանքներն այն մասին, որ ԱԱԾ տնօրենի պաշտոնը զբաղեցնելու ժամանակահատվածում ադրբեջանցիները ստացել են հայկական անձնագրեր։

Նոր մանրամասներ` սկանդալային տեսանյութի հեղինակի կողմից

Անդրանիկ Հովհաննիսյանը Facebook–յան իր էջում շտապել է մեկնաբանել ԱԳՆ–ի հայտարարությունը։ Ավելին, նա ներկայացրել է նոր մանրամասներ` կապված ՀՀ վարչապետի դիվանագիտական անձնագրի պատմության հետ։

Ներկայացնում ենք Հովհաննիսյանի մեկնաբանության ամբողջական տեքստը։

«Վերջապես արձագանքեցին, բայց ավելի լավ կլիներ լռեին։

Պարզվում է, այսօր ՀՀ վարչապետ Նիկոլ Փաշինյանն իր մոտ է հրավիրել ԱԱԾ նախկին տնօրեն Արգիշտի Քյարամյանին, որին ադրբեջանցիները յուրովի անվանում են «Քյարամով», և հրամայել է, որ նա շտապ հերքի այն տեղեկատվությունը, թե ադրբեջանցիներին տրամադրվում են հայկական անձնագրեր։ 

Արգիշտի Քյարամյանն այս խայտառակ իրավիճակից այլ ելք է առաջարկել. Հրահանգել ՀՀ ԱԳՆ-ին հայտարարել, ուշադրություն, որ ՀՀ վարչապետ Նիկոլ Փաշինյանի դիվանագիտական ​​անձնագիրը հափշտակվել է 2020թ. Նոյեմբերի 10-ին՝ մի խումբ քաղաքացիների կողմից, ովքեր զայրացած էին Փաշինյանի դավաճանությունից, և ներխուժել էին Կառավարության շենք հատուկ նպատակով՝ հափշտակել Փաշինյանի անձնական իրերը: 

Իսկ հիմա ավելի լուրջ։ 

- Նախ՝ իմ հարցազրույցում ես մի քանի անգամ հստակ շեշտել եմ, որ փաստաթուղթն իմ ձեռքում է եղել 2020-ի նոյեմբերի 7-ից, իսկ դուք ամսի 10-ից եք խոսում. 

- Երկրորդ՝ հայտնի անձնագրում բացակայում է Փաշինյանի ստորագրությունը։ Իրականում, եթե այն հոկտեմբերի 22-ից իր մոտ լիներ, ապա այդ ստորագրությունն անշուշտ առկա կլիներ. 

- Երրորդ՝ Փաշինյանի և իր ընտանիքի անձնական իրերի հափշտակումից հետո, կարծես, հաջորդ օրը Նիկոլ Փաշինյանը մի քանի անգամ հրապարակային հայտարարեց, որ Կառավարության շենքից հափշտակել են՝ իր ժամացույցը, օծանելիքը, համակարգիչը և իր կնոջ՝ Աննա Հակոբյանի վարորդական իրավունքը: Ոչ մի խոսք դիվանագիտական ​​անձնագրի մասին։