Սուրենյանը հայտնել է, թե երբ ջերմաստիճանը կբարձրանա 8-10 աստիճանով

ԵՐԵՎԱՆ, 15 փետրվարի./Նովոստի-Արմենիա/. Օդի ջերմաստիճանը փետրվարի 18-20-ին հանրապետության ողջ տարածքում աստիճանաբար կբարձրանա 8-10 աստիճանով, հայտնել է ՇՄՆ Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը Facebook-յան իր էջում:

Հիդրոօդերևութաբանության և մոնիթորինգի կենտրոնը հայտնում է, որ փետրվարի 15-ի ցերեկը, 16-ին Երևանի առանձին հատվածներում հնարավոր է թույլ ձյուն։ Փետրվարի 16-ին սպասվում է նաև քամու ուժգնացում 10-12 մ/վրկ: Փետրվարի 17-20-ին սպասվում է առանց տեղումների եղանակ։

Հանրապետության տարածքում փետրվարի 15-ի ցերեկը, 16-ին առանձին շրջաններում սպասվում է թույլ ձյուն, լեռնային գոտիներում՝ բուք։ Փետրվարի 17-20-ին սպասվում է առանց տեղումների եղանակ: Քամին՝ հյուսիսարևմտյան 4-6 մ/վրկ: Փետրվարի 15-20-ին սպասվում է քամու ուժգնացում 17-20 մ/վրկ։-0-