ԵՐԵՎԱՆ, 18 ապրիլի./Նովոստի–Արմենիա/. Քիչ առաջ հրապարակվել է ՀՀ փոխվարչապետ, արտակարգ դրության ժամանակ պարետատան պարետ Տիգրան Ավինյանի նոր որոշումը, որը վերաբերում է Շիրակի մարզի Անի համայնքի Մարալիկ և Ձորակապ բնակավայրերում կիրառվող սահմանափակումներին։
Որոշման մեջ, մասնավորապես, նշվում է. «Ապրիլի 19-ին՝ ժամը 6:00-ից մինչև ապրիլի 25-ը՝ ժամը 23։59-ը Շիրակի մարզի Անի համայնքի Մարալիկ և Ձորակապ բնակավայրերում կիրառվելու է բնակավայրերի վարչական սահման մուտք գործելու և վարչական սահմաններից ելք կատարելու հատուկ ռեժիմ` արգելելով անձանց և տրանսպորտային միջոցների մուտքն ու ելքը՝ բացառությամբ առաջին անհրաժեշտության ապրանքների, պարագաների, սննդամթերքի, դեղորայքի, վառելիքի մատակարարման և գյուղատնտեսական ու այգեգործական աշխատանքներ իրականացնելու նպատակով անձանց տեղաշարժի և Մ1 միջպետական ճանապարհով ավտոմոբիլային տրանսպորտի երթևեկության»։
Պարետի ամբողջական որոշման կարելի է ծանոթանալ` անցնելով
հետևյալ հղումով։–0–